Dáýirlik ózgeristerdi qalyptastyrýǵa ózge memleketterge ondaǵan jyl qajet bolsa, biz oǵan táýelsizdik jyldary qol jetkizdik - G. Ábdiqalyqova
«Kóptegen sarapshylar bizdiń kezeń «Nazarbaev dáýiri» dep atalatynyna kámil senimdi. Shyn máninde, ózge memleketterge ondaǵan jyldar qajet etilse, bizdiń táýelsizdik jyldary óz boıyna dáýirlik ózgeristerdiń asa qýatty qabatyn qalyptastyrdy», - dep atap ótti Memhatshy.
Onyń sózi boıynsha, Eýrazııanyń ortasynda ornalasqan Qazaqstan memleketi meılinshe qolaısyz geosaıası, ekonomıkalyq jáne áleýmettik bastaýlar jaǵdaıynyń ózinde damýdyń satyly serpilisin jasaýǵa múmkin ekendigin aıqyn kórsetti.
«Sizder bilesizder, ındýstrıaldy damyǵan elge aınalý úshin Ulybrıtanııaǵa 50 jyl qajet boldy, AQSh-qa 50 jyldan astam, Ońtústik Koreıaǵa 10 jyl merzim ketti. Sıngapýr, Taıland, Malaızııa, Indonezııa syndy memleketter de qysqa ýaqytta jetistikke jete aldy. Menińshe, Qazaqstan da sol elderdiń qataryna kóp uzamaı enetin bolady. Táýelsiz Qazaqstannyń tarıhy, qazirgi zamanǵy memlekettiń damý tıimdiligi harızmatıkalyq, passıonarlyq jáne jalpyulttyq kóshbasshysynyń bolýymen aıqandalatyny sózsiz dáleldendi. Qazaqstan úshin mundaı tulǵa, sózsiz saıası erik-jigerdiń arqasynda Qazaqstan halqyn toptastyrǵan, sol arqyly Qazaqstannyń áleýmettik-ekonomıkalyq jáne qoǵamdyq-saıası turǵyda túbegeıli ózgeristerdi berik negizine aınaldyrǵan - Nursultan Ábishuly Nazarbaev», - dedi G.Ábdiqalyqova.
Aıta keteıik, QR Memlekettik hatshysy stýdentter aldynda oqyǵan dárisinde Qazaqstan Halqy Assambleıasynyń ishki turaqtylyq pen ultaralyq kelisimge qosyp jatqan úlesi men róli, N.Nazarbaevtyń basty ulttyq jobalary jáne halyqaralyq bastamalary týraly taqyryptardy kótergen bolatyn.
