Daýyldy jel, burqasyn: Sınoptıkter birqatar óńirde eskertý jarııalady

«Qazgıdromet» RMK 22 qarashada kún raıynyń buzylýyna baılanysty birneshe óńirde eskertý jarııalady, dep habarlaıdy Kazinform.

Astana qalasynda 16-21 m/s ekpinde jel soǵady. 23 qarashada jeldiń kúshi keı ýaqytta 23-28 m/s jetip, kóktaıǵaq kútiledi.

Batys Qazaqstan oblysynyń batysy men soltústiginde qatty jaýyn-shashyn (jańbyr, qar), kóktaıǵaq kútiledi. Jeldiń ekpini 23-28 m/s jetedi.

Ulytaý oblysynyń soltústigi men shyǵysynda kóktaıǵaq kútiledi. Ońtústik-shyǵystan soǵatyn jel ońtústik-batysqa aýysyp, oblystyń basym bóliginde kúshi 15-20 m/s, túnde keı ýaqytta 25 m/s quraıdy.

Qyzylorda oblysynda jeldiń jyldamdyǵy 25 m/s jetýi yqtımal.

Túnde jáne tańerteń Jetisý oblysynyń taýly aýdandarynda tuman kútiledi. Ońtústik-shyǵystań jel soǵady, Alakól kólderi aýdanynda ekpini 23-28 m/s artýy múmkin.

Aqtóbe oblysynyń batysy men soltústiginde kóktaıǵaq bolady. Kúndiz oblystyń batysy men soltústiginde burqasyn kútiledi. Ońtústik-shyǵystan soǵatyn jel ońtústik-batysqa aýysyp, oblystyń batysynda, ońtústiginde ekpini 23-28 m/s kúsheıedi.

Kúndiz Qaraǵandy oblysynyń batysy men soltústiginde kóktaıǵaq kútiledi. Ońtústikten, ońtústik-shyǵystan jel soǵady, túnde keı ýaqytta ekpini 25 m/s artady.

Tańerteń jáne kúndiz Túrkistan oblysynyń taýly jáne taý bókterli aýdandarynda qatty jańbyr, naızaǵaı kútiledi. Ońtústik-batystan jel soǵady, keı ýaqytta kúshi 25 m/s jetedi.

Shymkent qalasynda tańerteń jáne kúndiz keı ýaqytta qatty jańbyr, naızaǵaı kútiledi. Ońtústik-batystan jel soǵady, ekpini 15-20 m/s quraıdy.

Mańǵystaý oblysynda soltústik-batystan jel soǵady, kúshi 23-28 m/s jetýi yqtımal.

Kúndiz Pavlodar oblysynyń soltústigi men batysynda kóktaıǵaq kútiledi. Oblystyń soltústiginde, batysynda, shyǵysynda ońtústik-shyǵystan jel soǵady, óńirdiń soltústiginde ekpini 23 m/s artady.

Kúndiz 22 qarashada, 23 qarashada túnde Jambyl oblysynyń taýly aýdandarynda qatty jaýyn-shashyn (jańbyr, qar) bolady. 22-24 qarashada oblystyń ońtústiginde, taýly aýdandarynda tuman, ekpini 23-28 m/s quraıtyn jel kútiledi.

Atyraý oblysynyń basym bóliginde soltústik-batystan jel soǵady, kúshi 23-28 m/s jetedi. Óńirdiń batysynda, ońtústigi men soltústiginde keı ýaqytta jeldiń jyldamdyǵy 30 m/s jáne odan joǵary bolady.

22-23 qarashada Qostanaı oblysynda jaýyn-shashyn kútiledi. Óńirdiń batysynda qatty jaýyn-shashyn (jańbyr, qar) bolady. Sondaı-aq kóktaıǵaq, burqasyn, tuman boljanady. Jeldiń ekpini 23-28 m/s, keı ýaqytta 30 m/s jáne odan joǵary bolady.

Kúndiz 22 qarashada, 23 qarashada táýlik boıy Soltústik Qazaqstan oblysynyń basym bóliginde jaýyn-shashyn (jańbyr, qar), kóktaıǵaq, burqasyn kútiledi. Jeldiń kúshi 23-28 m/s artady. 22 qarashada oblystyń ońtústigi men shyǵysynda, 23 qarashada oblystyń ońtústigi men batysynda jeldiń jyldamdyǵy keı ýaqytta 30 m/s jáne odan joǵary bolady.

Kúndiz 22 qarashada, 23 qarashada táýlik boıy Aqmola oblysynda jaýyn-shashyn (jańbyr, qar), kóktaıǵaq kútiledi. Jeldiń ekpini 23-28 m/s, keı ýaqytta 30 m/s jáne odan joǵary bolady.