Daýyldy jel, burqasyn, kóktaıǵaq: 19 óńirde eskertý jarııalandy
«Qazgıdromet» RMK 27 jeltoqsanda kún raıynyń buzylýyna baılanysty barlyq derlik óńirde eskertý jarııalady, dep habarlaıdy Kazinform.
Qostanaı oblysynyń basym bóliginde jaýyn-shashyn (kóbinese qar), burqasyn, kóktaıǵaq kútiledi. Oblystyń ońtústiginde tuman túsedi, basym bóliginde 23-28 m/s kúshpen jel soǵady.
Kúndiz Almaty oblysynyń taýly aýdandarynda keı ýaqytta katty jaýyn-shashyn (jańbyr, qar), kóktaıǵaq kútiledi. Oblystyń ońtústiginde, taýly aýdandarynda keı ýaqytta tuman boljanady. Jeldiń kúshi 23-28 m/s artýy yqtımal.
Astana qalasynda jaıaý burqasyn, kóktaıǵaq kútiledi. Túnde keı ýaqytta jeldiń ekpini 23 m/s jetýi múmkin.
Jetisý oblysynyń soltústiginde, ortalyǵy men taýly aýdandarynda tuman, joldarda kóktaıǵaq boljanady. Ońtústik-batystan jel soǵady, oblystyń shyǵysynda, ortalyǵynda, taýly aýdandarynda ekpini 15-20 m/s, Alakól kólderi aýdanynda 23-28 m/s quraıdy.
Túnde Mańǵystaý oblysynyń batysynda, soltústik-shyǵysy men ortalyǵynda kóktaıǵaq bolady. Jeldiń kúshi keı ýaqytta 23 m/s artady.
Aqtóbe oblysynyń batysynda, soltústigi men ońtústiginde kóktaıǵaq kútiledi. Oblystyń shyǵysynda, ońtústiginde, ortalyǵynda jaıaý burqasyn, 15-20 m/s jyldamdyqta jel boljanady.
Tańerteń jáne kúndiz Túrkistan oblysynyń taýly jáne taý bókterli aýdandarynda qatty jaýyn-shashyn (jańbyr, qar) kútiledi. Oblystyń soltústiginde, ortalyǵynda tuman, kóktaıǵaq boljanady. Kúndiz taýly asýlarda jeldiń ekpini 23-28 m/s kúsheıedi.
Shymkent qalasynda tańerteń jáne kúndiz qatty jaýyn-shashyn (kóbinese jańbyr) kútiledi. Ońtústik-batystan jel soǵady, ekpini 15-20 m/s quraıdy.
Túnde Qyzylorda oblysynyń basym bóliginde jaýyn-shashyn (jańbyr, qar) bolady. Óńirdiń ortalyǵynda – tuman, túnde soltústiginde kóktaıǵaq kútiledi. Jel ońtústik-batystan, batystan soǵady, kúshi 15-20 m/s quraıdy.
Túnde jáne tańerteń Atyraý oblysynyń batysynda, ońtústiginde tuman, kóktaıǵaq boljanady. 15-20 m/s ekpinde ońtústik-batystan, batystan jel soǵady.
Aqmola oblysynda burqasyn, kóktaıǵaq kútiledi. Túnde jáne tańerteń óńirdiń batysynda, soltústiginde, shyǵysynda jeldiń kúshi 23-28 m/s artýy yqtımal.
Pavlodar oblysynyń shyǵysy men ońtústiginde – tuman, kóktaıǵaq, kúndiz basym bóliginde jaıaý burqasyn kútiledi. Ońtústikten jel soǵady, oblystyń soltústiginde, batysynda, ońtústiginde ekpini 15-20 m/s quraıdy.
Batys Qazaqstan oblysynyń batysynda, soltústigi men shyǵysynda tuman, kóktaıǵaq boljanady. Jel ońtústik-batystan soǵady, túnde jáne tańerteń óńirdiń batysynda, ońtústiginde ekpini 15-20 m/s quraıdy.
Túnde Soltústik Qazaqstan oblysynyń basym bóliginde qar jaýady. Túnde óńirdiń basym bóliginde, kúndiz soltústiginde, batysy men shyǵysynda burqasyn, kóktaıǵaq kútiledi. Túnde jeldiń ekpini 23-28 m/s, oblystyń batysy men ońtústiginde keı ýaqytta 30 m/s jáne odan joǵary bolady.
Ulytaý oblysynyń basym bóliginde – burqasyn, kóktaıǵaq, ońtústiginde tuman kútiledi. Kúndiz óńirdiń soltústigi men shyǵysynda jeldiń ekpini 23-28 m/s kúsheıýi yqtımal.
Qaraǵandy oblysynyń batysynda, soltústigi men shyǵysynda – burqasyn, kóktaıǵaq, ońtústiginde tuman kútiledi. Kúndiz oblystyń ońtústigi men shyǵysynda jeldiń kúshi 23-28 m/s jetýi múmkin.
Kúndiz Abaı oblysynyń batysynda, soltústigi men ońtústiginde burqasyn, kóktaıǵaq boljanady. Túnde jáne tańerteń oblystyń shyǵysynda, ońtústiginde tuman kútiledi. Jeldiń jyldamdyǵy 23 m/s artýy yqtımal.
Túnde Shyǵys Qazaqstan oblysynyń soltústiginde, shyǵysy men ońtústiginde, kúndiz batysynda burqasyn, kóktaıǵaq kútiledi. Túnde jáne tańerten tumandy bolady. Jel shyǵystan, ońtústik-shyǵystan soǵady, kúndiz oblystyń batysynda, soltústiginde, ortalyǵynda ekpini 15-20 m/s quraıdy.
Jambyl oblysynda 27 jeltoqsanda tańerteń jáne kúndiz, 28 jeltoqsanda túnde, 29 jeltoqsanda táýlik boıy ońtústik-batystan jel soǵady, oblystyń ońtústik-batysynda, taýly aýdandarynda keı ýaqytta kúshi 30 m/s jáne odan joǵary bolady.
