Daýyl, jańbyr, burshaq: úsh oblysta úsik júredi

ASTANA. KAZINFORM — «Qazgıdromet» RMK el aýmaǵynda 14 mamyrda bolatyn qaýipti meteorologııalyq qubylystarǵa boljam jasady.

Sınoptıkterdiń málimetinshe, ońtústik tsıklony jáne olarmen baılanysqan atmosferalyq frontaldy bólikter QR arqyly jyljı otyryp, naızaǵaıly jańbyr, soltústik pen ortalyqta qatty jańbyr, burshaq ákeledi.

«Tek elimidiń batysy men ońtústik-shyǵysynda jaýyn-shashynsyz aýa raıy kútiledi. Respýblıka boıynsha jeldiń kúsheıýi, soltústigi men ortalyǵynda daýyl, ońtústiginde shańdy daýyl soǵady.

Túnde Qostanaı oblysynyń soltústiginde, Aqtóbe oblysynyń soltústiginde, Soltústik Qazaqstan oblysynyń batysynda topyraq betinde 2 gradýs úsik júredi», dep jazdy vedomstvo.

Qaraǵandy oblysynyń batysynda, ońtústiginde, Ulytaý oblysynyń ortalyǵynda, Abaı, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń batysynda joǵary órt qaýipi saqtalady, Batys Qazaqstan oblysynyń batysynda, soltústik-batysynda, ońtústik-batysynda joǵary órt qaýipi kútiledi.

Qyzylorda oblysynyń Qazaly aýdanynda, Túrkistan oblysynyń batysynda, shóldi aýdandarynda tótenshe órt qaýipi saqtalady.