Daýyl saldarynan Almaty botanıkalyq baǵy birneshe kúnge jabyldy

ALMATY. KAZINFORM - 7 sáýir kúni Almatyda daýyl saldarynan aǵashtar qulap, keı jerde shatyr ushty.

Daýylǵa baılanysty Almatynyń bas botanıkalyq baǵy 10 sáýirge deıin jabyldy.

- Qazirgi ýaqytta aǵashtar qulap, butaqtary synǵandyqtan botanıkalyq baqtyń aınalasynda júrý qıynǵa soǵyp tur. Sondyqtan qaýipti aǵashtardyń qulaý múmkindigin boldyrmaý úshin qoǵamdyq aýmaqty tazartý, sondaı-aq aǵashtardyń jaǵdaıyn tekserý qajet. Ýaqytsha qolaısyzdyqtar úshin keshirim suraımyz, - dep habarlady baqtyń baspasóz qyzmeti.

Eske salaıyq, Almatyda kún kúrkirep, naızaǵaı oınap, nóser jaýdy.

Odan keıin Almatydaǵy daýyl saldary týraly jazǵanbyz.