Daýyl men nóser jańbyr Ystanbuldaǵy ómirdi turalatyp tastady

ASTANA. KAZINFORM — Ystanbuldaǵy qolaısyz aýa raıy qala turǵyndary men megapolıs qonaqtaryna keri áserin tıgizip otyr, dep habarlaıdy Kazinform agenttiginiń menshikti tilshisi.

Qatty ekpindi jel men nóser jańbyr saldarynan qaladaǵy birqatar aýdanda ǵımarattar zaqymdanyp, aǵashtar qulap, joldardy sý basty, sondaı-aq avtokólikter men sý kólikteri búlindi.

Túrkııadaǵy eń iri megapolıste qolaısyz aýa raıyna baılanysty kóptegen oqys jaǵdaılar tirkeldi.

Ystanbuldyń Beılıkdúzú, Búıúkchekmedje, Avdjylar jáne Beıoǵlý aýdandarynda qatty jel ǵımarattardyń shatyrlary men qasbettik elementterin julyp áketip, olar kóshege jáne turaqta turǵan avtokólikterdiń ústine qulaǵan.

Búıúkchekmedje aýdanynda D-100 tasjolyndaǵy jerasty ótkelin teńiz sýy basyp, kólik qozǵalysy qıyndady. Sonymen qatar qulaǵan aǵashtar, zaqymdanǵan kólikter jáne elektr jelileriniń búlingeni týraly habarlandy.

Aldyn ala málimet boıynsha, zardap shekkender joq.

İstanbul'da etkili olan şiddetli fırtına, hayatı olumsuz etkiledi

Esenler'de koparak çatıdan düşen parçalar araçlara zarar verdihttps://t.co/OXTAzR5C3T pic.twitter.com/oipvitS3yk

— Anadolu Ajansı (@anadoluajansi) January 8, 2026

Buǵan deıin Túrkııanyń batysy men ońtústik-batysynda nóser jańbyr saldarynan aýqymdy sý tasqyny bolǵany týraly jazǵan edik.