Dattyq dızaıner ǵalamtor jelisine qosylýǵa múmkindik beretin kostıým «tikti»
ASTANA. QazAqparat - Balalar dızaıneri Borre Akkersdıık zamanýı tehnologııaǵa ózindik kózqarasyn bildiretin ónim oılap tapty. BB.Suit ataýyna ıe bolǵan kostıýmde qarastyrylǵan Wifi, GPS, NFC, Bluetooth jelileri ony ǵalamtorǵa qol jetkizý kózine aınaldyrýdy kózdeıdi.
Alaıda BB.Suit barlyq jerde qoljetimdi bolýy úshin biraz qurylymdyq jumystar júrgizý qajet. Bul oraıda Akkersdıık bastaǵan top biraz is tyndyryp úlgerdi. Olar kostıýmniń qaltalaryna akkýmýlıatorlar, protsessor platalary men ınterfeıs aktýatorlaryn ornalastyrdy. Biraq mundaı kıim kúndelikti kııýge jaramsyz boldy.
2009 jyly Akkersdıık toqyma mashınalardyń kómegimen tájirıbe jasap, ony basqasha baǵdarlamalaý arqyly kólemdi matalar alýǵa bolatynyna kóz jetkizgen. Keıin ol matalarǵa jeli ótkizgish talshyqtar qosqan.
Atap ótý kerek, BB.Suit syndy kıim tigý qıyn. Sebebi, onda júrgizilgen talshyqtar men chıpterge kir jýǵysh mashınada jýǵanda esh zaqym kelmeýi tıis.
Búginde Akkersdıık óz komandasymen túrli tehnologııalardy paıdalanyp, kıimde Google-di iske qosý úshin bar kúshin salyp jatyr. Olardyń endigi maqsaty - kıimmen tikeleı baılanysatyn tehnologııalyq platforma ornatý, dep jazady oko-planet.su.
