Dástúrli týrnır jalǵasyn tapty

Sport - zamana tynysy, memleket densaýlyǵynyń kepili, jeńis juldyzy, el mereıi! Jyldan-jylǵa damý qarqyny qaryshtap kele jatqan elimizdiń sportshylary álemdik arena shyńdaryn baǵyndyryp keledi. Salamatty ómir saltyn qalyptastyrý maqsatynda on jyldan beri dástúrli túrde ótkizilip kele jatqan Eleý Kósherbaevty eske alýǵa arnalǵan grek-rım kúresine Qazaqstan oblystarynan ózge Ózbekstan, Qyrǵyzstan Respýblıkalary men Reseı Federatsııasynan jáne Qazaly, Aral aýdandarynyń jas balýandary qatysty. 18 komandadan quralǵan saıdyń tasyndaı 200-den astam sportshy klassıkalyq kúrestiń kórigin qyzdyrdy.

Eki kúnge sozylǵan alaman kúreste balǵyn balýandar 10 salmaq dárejeleri boıynsha kúsh baıqasty. Týrnırdiń basty ustanymy - memleket jáne qoǵam qaıratkeri Eleý Kósherbaevty  eske alyp, ulaǵatty tulǵany el esinde máńgi saqtaý, salaýatty ómir saltyn nasıhattaý, jas balýandardyń sporttyq sheberligin arttyryp, grek-rım kúresin damytý jáne olardy patrıottyq sezimge tárbıeleý bolyp tabylady. Eki kúnge sozylǵan jarys №17 Qazaly aýdanynyń Olımpıadalyq rezervtiń mamandandyrylǵan balalar jáne jasóspirimder mektebiniń jańa sport zalynda ótti. Igilikti iske muryndyq bolǵan QR Kúres federatsııasy, oblystyq dene shynyqtyrý jáne sport basqarmasy jáne aımaǵymyzda qaıyrymdylyq sharalarymen belgili «QazGerMunaı» kompanııasy.

Qazaly aýdanynyń ákimi Najmadın Shamuratov barlyq jas sportshylarǵa sáttilik tileı otyryp, qoǵam qaıratkeri Eleý Kósherbaevty eske  alýǵa arnalǵan jasóspirimder arasynda grek-rım kúresinen XIhalyqaralyq týrnırdi ashyq dep jarııalady.

- Eline eńbegimen syıly bolǵan, qoǵam qaıratkeri, kóp jyldar boıy oblysymyzdyń birneshe aýdanyn basqaryp, áleýmettik-ekonomıkalyq jáne mádenı jaǵdaıyn kótergen aıaýly azamat Eleý Kósherbaevty eske alýǵa arnalǵan jarystyń qatysýshylaryn shynaıy kóńilmen quttyqtaımyn. «Jaqsy adamnyń artynda ólmes is qalady» demekshi, Eleý aǵamyzdy eli umytpaıdy. Onyń aıǵaǵy, jyl saıyn ótetin dástúrli týrnırdiń bıyl halyqaralyq dárejede ótýi. Bul óz kezeginde elimizde buqaralyq sportty damytýǵa septigin tıgizedi. Týrnırge qatysýshy komandalar men sportshylar sany jyl saıyn artyp keledi. Búgingi jarysta sport sheberligine úmitker jas balýandar synǵa túsedi. Olar osy týrnır arqyly úlken shyńǵa, bıikke shyǵady. Osy is-sharanyń basy-qasynda júrgen el azamattaryna sheksiz alǵysymdy bildiremin. Eleý aǵamyz, Qazaly aýdanyń basqarǵan jyldary sportqa shynaıy kóńil bólip, janashyrlyq tanytty. Jalańtós bahadúr atyndaǵy, balalar men jasóspirimder sport mektepterin saldy. Árbir bilim oshaqtaryndaǵy sport zaldaryn qajetti quraldarmen  jáne kadrlarmen qamtamasyz etti. Sol kezde aýdan ortalyǵyndaǵy Jeńis saıabaǵynda mádenı oryndar men qatar sport alańdary da paıdalanýǵa berildi. Búgingi saltanatty ashylý barysynda bas demeýshi «QazGerMunaı» JShS birikken kásipornyna Qazaly aýdany atynan úlken rızashylyq alǵysymyzdy bildiremiz,  - dedi aýdan ákimi Najmadın Shákızadauly.

 Aýdan ákiminiń quttyqtaýynan soń «QazGerMunaı» JShS BK bas dırektorynyń birinshi orynbasary, oblystyq grek-rım, erkin jáne áıelder kúresi federatsııasy qoǵamdyq birlestiginiń tóraǵasy Kárim Medet qatysýshylarǵa sáttilik tiledi.

- «Tamyry tereń, tarıhy keneń - Qazaly», - dep aqyndar jyrlaǵandaı, tarıh bizdiń keshegi ótkenimiz, búgingi kún kesheginiń jalǵasy. Kıeli Qazaly jerinen qanshama el bılegen tulǵalar shyqqany ózimizge aıǵaq. Jalańtós bahadúr men Áıteke bıden bastap, Janqoja men Aqtan, Jylqyaıdar men Jetes, Ashabaı men Syrlybaı, Úmbet pen Erimbetteı elge áıgili erlerimen, bı-sheshenderimen aty shyqty. Sondaı-aq, Orta Azııa jastarynyń jetekshisi Ǵanı Muratbaevtaı asyl synyǵy, Halyq Qaharmany Roza Baǵlanova, qoǵam qaıratkeri Eleý Kósherbaev dúnıege kelgen tuǵyrly meken. «Áke kórgen oq jonar» demekshi, ózinen keıingi urpaqtary, eli úshin etken eren eńbegimen este qalǵan tulǵanyń jarqyn júzin árdaıym el esinde qalýy úshin uıymdastyrylyp otyrǵan halyqaralyq týrnırde el namysyn tý etken jas balýandarymyzdyń baǵy men baby qatar shaýyp, batyr babalarynyń jolyn bersin demekpiz, - dedi Medet Sápıuly.      

 Týrnırdiń qurmetti qonaǵy, Eleý Kósherbaevtyń uly Aıtpaı Kósherbaı qonaqtar men balýandarǵa óz izgi tilegin jetkizdi.

- Qurmetti jerlester jáne jarysqa qatysýshylar! Bıyl biz alǵash ret grek-rım kúresi federatsııasynyń quramyna kirdik. Endi sporttyq jarystar tizbesine búgingi ótip jatqan týrnır enip otyr. Ol degenimiz, osy jarystyń jeńimpazdary endi «sport sheberi kandıdaty» degen ataqqa qol jetkizedi degen sóz. ıAǵnı, jarys jeńimpazdaryn Olımpıadalyq rezerv dep aıtsaq artyq emes. Bul Qazaly óńiriniń jas balýandary úshin úlken múmkindik. Óz jerinde uıymdastyrylǵan osyndaı sharada júldeger bolǵan balýan úshin respýblıkanyń barlyq aımaǵynda ótetin jarystarǵa jol ashylǵaly tur. Kelesi jyly týrnırdiń aýqymy keńeıedi. Qazaly jerinde halyqaralyq dúldil jarystar áli alda, - degen Aıtpaı Kósherbaıuly qazylar alqasyna da qurmetin bildirdi.

Jarystyń ashylý saltanatynda sóz sóılegen Ózbekstan qurama komandasynyń bas bapkeri Vahıdjan Temırov týrnırdiń materıaldyq-bazalyq daıyndyǵyna joǵary baǵa berip, uıymdastyrý jumystarynyń basy-qasynda júrgen azamattarǵa rızashylyǵyn bildirdi. Sondaı-aq, grek-rım kúresinen Keńester Odaǵynyń sport sheberi Dásten Aıbosynov aqsaqalǵa jáne demeýshilik tanytqan Medet Kárimge shapan jaýyp, ystyq yqylastaryn kórsetti.  

Ashylý saltanatynan soń halqymyzǵa belgili estrada juldyzdary «Alash uly» jáne «Daýys international" toptary barlyq sportshylarǵa sáttilik tileı otyryp, án shashý tartý etti.

Sonymen, týrnırdiń birinshi kúngi nátıjesinde jasóspirimder arasyndaǵy 42 keli salmaqta І oryndy Reseı federatsııasynyń palýany Mýhamedjanov Tımýr jeńip alsa, 50 keli salmaqta bas júlde qyzylordalyqMyrzaǵazıev Nurseıitkebuıyrdy. Jarystyń kelesi kúninde 46 keli salmaqta І oryndy Áıteke bı kentiniń jas palýany Qasymhan Meırambekuly, 54 kelide Qyzylorda qalasynyń sportshysyIsa Isaev, 63 keli salmaqta І oryn júldeni áıtekelik Rahat Saǵymbaev alsa, 76 kelide ózbekstandyq Erǵalı Aıhımbaev jeńip aldy. Aýyr salmaqta, ıaǵnı 100 keli salmaq dárejesinde almatylyq Aman Syrlybaı eshkimge ese bermedi.

Týrnır úzdikteri men jeńimpazdary arnaıy dıplommen marapattalyp, uıymdastyrýshylar atynan qomaqty qarjylaı syılyqtarǵa ıe boldy.

Nurbek DÁÝRENBEKOV.

Qazaly aýdany.