Dástúrli «Teatr kóktemi-2013» festıvali bıyl Kamal Qarmysovtyń 100 jyldyǵyna arnalady

Jyl saıyn naýryz merekesi men Halyqaralyq teatr kúni qarsańynda ótkiziletin bul shara kezinde óner ordasynda 2012 jyldyń naýryzynan beri qoıylǵan jańa spektaklder kórsetilip, sarapqa salynady. Bıylǵy baǵdarlamaǵa Iran-Ǵaıyptyń «Men ishpegen ý bar ma?...», D. Kobýrnnyń «Jynoınaq», Á.Rahımovtyń «Shákárim», N.Orazalınniń «Shyraq janǵan tún», T.Ábdikovtiń «Uly men Ury» qoıylymdary enip otyr.

Kamal Qarmysov 1912 jyly 24 sáýirde qazirgi Almaty oblysy Jambyl aýdany Beriktas aýylynda ómirge kelip, 1991 jyly 21 mamyrda Almatyda kóz jumǵan bolatyn. Ol 1927 jyldan bastap Almaty saýda qyzmetkerleri klýbynyń dramalyq úıirmesine belsene aralasyp, 1930 jyly Rıdder jumysshy-jastar teatryn uıymdastyrýǵa qatysady. Al 1931 jyly Qazaq aqademııalyq drama teatrynyń quramyna qabyldanyp, úlken sahnadaǵy alǵashqy rólin T.Jarokovtyń «Qandy taıaq» spektaklindegi urydan bastaıdy. Odan keıin ár jyldary «Abaıdaǵy «Kerim, «Qozy Kórpesh -Baıan sulýdaǵy» Qozy, Jantyq, «Namys gvartııasyndaǵy» Tólegen Toqtarov, «Shoqan Ýálıhanovtaǵy» Gasfort, «Qulynyń menińdegi» Qarajan, «Shyńyraý túbindegi» Baron, «Revızordaǵy» Hlestakov, «Sarańdaǵy» Garpagon, «Otellodaǵy» ıAgo jáne taǵy basqa da beınelerdi somdaıdy. Sonymen qatar 1945 jyldan «Abaı áni», «Mahabbat dastany», «Dala qyzy», «Bizdiń súıikti dáriger» sııaqty birqatar kınolarǵa túsedi. Ónerdegi eren eńbegi úshin 1957 jyly Qazaq KSR-niń halyq artısi, 1980 jyly Memlekettik syılyqtyń ıegeri atanyp, «Qurmet belgisi», Halyqtar dostyǵy jáne 2 ret Eńbek Qyzyl Tý ordenderimen marapattalady.