Dástúrli shara barysynda Qazaqstanda 500 myń aǵash otyrǵyzylady

ASTANA. QazAqparat - QR Aýyl sharýashylyǵy mınıstrligi ekinshi jyl qatarynan kóktemde «Búkilqazaqstandyq aǵash otyrǵyzý kúnin» ótkizýde Maqsat - qazaqstandyqtar arasynda tabıǵatty aıalaý, ormandardy saqtaý men qalypqa keltirý, qalalar men eldi mekenderdiń mańyn kógaldandyrýdy nasıhattaý, dep habarlady QR AShM baspasóz qyzmetinen.

Shara 18 sáýirde barlyq oblys ortalyqtarynda, Astana jáne Almaty qalalarynda ótedi. Bul kúni 500 myńnan astam aǵash pen kóshet otyrǵyzylady. Kóshetterdi otyrǵyzýǵa AShM basshylyǵy men qyzmetkerleri, tabıǵatty qorǵaý mekemeleriniń ókilderi, memlekettik orman ıeleri, respýblıkalyq jáne jeke kásiporyndar, jastar uıymdary qatysady.

Ótken jyly sharaǵa 226 myńnan astam adam qatysqan bolatyn. Olar shamamen 660 myń aǵash pen kóshet otyrǵyzdy.