Dástúrli mentaldik týraly monografııa jaryq kórdi
ASTANA. 29 qańtar. QazAqparat - Almatydaǵy «Arna-b» baspasynan «Ulttyq ádebıet jáne dástúrli mentaldik» atty ujymdyq monografııa jaryqqa shyqty.
Kitap avtorlary - belgili ádebıetshi ǵalymdar Dıhan Qamzabekuly, Baýyrjan Omaruly jáne Amantaı Shárip. Bul ǵylymı eńbekti baspaǵa usynǵan L.N.Gýmılev atyndaǵy Eýrazııa ulttyq ýnıversıtetiniń «Alash» mádenıet jáne rýhanı damý ınstıtýty ekenin aıta ketken jón. Zertteý jumysyna Qazaqstan Ulttyq Ǵylym Akademııasynyń akademıgi Seıit Qasqabasov sarapshylyq jasaǵan.
Osy kólemdi ǵylymı eńbekte dástúrli mentaldik pen kórkemdik-shyǵarmashylyq sananyń ara qatynasy jan-jaqty qarastyrylǵan. Bul másele qazaq ádebıetiniń bastaý kózderi, damýy jáne túrlenýi negizinde kórinis tapqan. Sonymen qatar monografııada ózge el ádebıetteriniń úlgileri de qamtylǵan.
Fılologııa ǵylymdarynyń doktorlary Dıhan Qamzabekuly, Baýyrjan Omaruly jáne Amantaı Shárip elimizge tanymal ǵalymdar. Qaı-qaısysynyń da ádebıettanýda ózindik orny bar osy úsh zertteýshiniń oı-tujyrymdary jańa jınaqta ulttyq ádebıet jáne dástúrli mentaldik máseleler tóńireginde bir arnaǵa toǵysyp otyr. Salıqaly zertteý sonysymen de qundy. Ádebıettiń tarıhy men teorııasyn zertteýshilerge baǵyt-baǵdar bolarlyq bul eńbek oqyrmannyń kóz qýanyshyna aınalary anyq.
