Dástúrli formatqa oralǵan muǵalimder tsıfrlyq daǵdylardy umytpaýy kerek – sarapshy
«Búkil álem qashyqtan oqytýǵa kóshken kezde bilim sapasy birden quldyrady. Óıtkeni jandy sabaqtyń aty jandy sabaq qoı. Keıingi bir jarym jylda búkil álemniń balalary onlaın rejımde bilim aldy. Qazaqstan da dál solaı bolǵanyn bilesizder. Endi sol kezde ketken kemshilikterdiń ornyn toltyrýǵa kúsh salyp jatyrmyz. Pandemııa qashyqtan bilim berýdiń biz eskermegen artyqshylyǵyn kórsetti. Búgin biz qashyqtan oqytý tehnologııasyn adamzat túbi bir oılap tabýy kerek bolǵanyn uǵyp otyrmyz. Óıtkeni ol dástúrli formatty tolyqtyratyn qabiletke ıe», - dedi ortalyq basshysy.
Bul oıyn ol mynadaı mysalmen túsindirdi.
«Bala densaýlyǵyna nemese basqa da jaǵdaıǵa baılanysty mektepke bara almaıtyn boldy deıik. Buryn mundaı jaǵdaıda ol oqý baǵdarlamasynan keshigip, tıisti bilimdi ýaqytynda ıgere almaǵany úshin, keıin qınalatyn. Al qazir onlaın tehnologııanyń kómegimen úıinde jatyp ta synyptastarymen qatar sabaqqa qatysa alady. Interaktıvti qarym-qatynastyń arqasynda protseske belsendi qatysa beredi. Qazir offlaın sabaq jolǵa qoıylǵanyna qaramastan,balasyn qashyqtan oqytýdy durys dep tapqan ata-analar bar. Solardyń ótinishi boıynsha eki format qatar qoldanylyp otyr. ıAǵnı, birtindep gıbrıdti oqytýǵa kóship jatyrmyz. Árıne, muǵalim bilim berý isindegi eń mańyzdy tulǵa. Biraq onlaınnan offlaınǵa oralǵan ustazdar qashyqtan bilim bergen kezde meńgergen daǵdylaryn, tsıfrlandyrý salasynda ıgergen qabiletterin umyt qaldyrmaı, damyta túsýi kerek», - dedi Sabyrjan Mádıev.
