Dástúrli formatqa kóshtik dep tsıfrly platformalardy umytpaýymyz kerek – Bilim mınıstri

NUR-SULTAN. QazAqparat - Bilim berý uıymdarynda tsıfrly platformalarǵa qoljetimdik qamtamasyz etiledi.

Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Bıylǵy oqý jylynda barsha bilim berý uıymdarynda tsıfrly platformalarǵa qoljetimdik qamtamasyz etiledi. Biz qazir dástúrli formatqa kóshtik dep osyǵan deıingi paıdalanylǵan platformalardy umytpaýymyz kerek. Olar ary qaraı mektepterde paıdalanylady. Sondyqtan tsıfrly platformalar úshin túsirilgen, daıyndalǵan sabaqtardy paıdalanyp, oqý protsesine engizý óte mańyzdy», - dedi Ashat Aımaǵambetov.

Budan buryn habarlanǵandaı, Qazaqstanda pedagogtar oqýlyqtardy ózderi tańdaıdy.

Oqýlyqtardyń alternatıvtiligi qamtamasyz etiletin bolady. Ol boıynsha biz qazirgi ýaqytta zańnamaǵa tıisti ózgerister daıyndalyp jatyr.