Dástúrli emes medıtsına naryǵyn tártipke keltirý qajet - depýtat
ASTANA. QazAqparat - QR Parlamenti Májilisiniń depýtaty Ahmed Mýradov dástúrli emes medıtsına naryǵyn tártipke keltirý qajet dep esepteıdi. Bul týraly ol búgin tómengi palatanyń jalpy otyrysynda aıtty, dep habarlaıdy QazAqparat tilshisi.
«Elimizde dástúrli emes medıtsına naryǵy óte úlken. Oǵan qytaı, ıslam, qasıetti sý, emdik batpaq syndy medıtsına kiredi. Ol jerlerde emdelgen adamdarmen de kezdestim. Ol jaqta ne baqylaý, ne normalaý ne basqarý joq. Qarjy aınalymy qandaı ekendigin usynatyn bireý bar ma álde joq pa? Biraq, óte qymbat tólem jasaıdy. Nátıjeleri de soraqy bolatyn jaǵdaı jıi kezdesedi. Jaǵdaıy nasharlaǵanda ǵana kepildendirilgen medıtsınaǵa júginedi», - dedi Ahmed Mýradov.
Onyń atap ótýinshe, bul salada baqylaý múldem joq jáne mundaı «emshilerdiń» sany qansha ekendigin de eshkim bilmeıdi. Sondyqtan da bul salany sáıkesinshe memlekettik organdar, onyń ishinde Densaýlyq saqtaý mınıstrligi baqylaýǵa alýy tıis.
«Bul máseleni Densaýlyq saqtaý mınıstrligi qaperge alýy qajet. Resmı medıtsınamen sottasýǵa bolady, ol olarmen mán-jaıdy anyqtaı da almaısyń. Muny qalaı degende zerdeleý qajet jáne qajet bolsa búkil qoǵamdy jumyldyrǵan jón», - dedi Májilis depýtaty.
