Dástúrli dinge bet burǵandar kóbeıdi
ASTANA. QazAqparat - Jat aǵymnyń jeteginde júrgen 540 otandasymyz ortamyzǵa oralyp, dástúrli dinge bet burǵan. Bul týraly muslim.kz saıty habarlady.
Mundaı málimetti musylmandar dinı basqarmasynyń jyldyq qorytyndy jıynynda bas múftı Erjan qajy Malǵajyuly jetkizdi.
2014 jyl ─ din men dástúr jyly bolyp atalyp, aıasynda kóptegen rýhanı shara atqarylǵan. Onyń ishinde 1400 din qyzmetshileriniń saýatyn ashý, 17 myń adamǵa qaıyrymdylyq kómekter, jastardy jat aǵymdardan saqtaý syndy súbeli jumystar júrgizilgen. Oblys ımamdaryn attestatsııalaý da bıyl ótkizildi. Bas múftıdiń aıtýynsha, jyl sanap dástúrli dinge degen halyqtyń kózqarasy jaqsarǵan. Oǵan respýblıkalyq aqparattyq nasıhat toptarynyń túrli túsindirme jumystary arqasynda qol jetkizilgen. Oblys ımamdarynyń eseptik jıyny eki kúnge sozylyp, rýhanı salany damytýdyń tyń josparlary qaralatyn bolady.
- Ózimizdiń dástúrli dinmen 1 mıllıon 200 myń adam qulaǵdar boldy. Jáne respýblıkalyq aqparat nasıhat tobynyń taǵy bir ereksheligi osy jumystyń nátıjesinde jat aǵymda júrgen 540 baýyrymyz dinimizge oraldy. Bıylǵy jyly ǵulamalar keńesi qurylǵan, oǵan Qazaqstandaǵy teolog dinı mamandar tartyldy. Osynyń nátıjesinde bıyl 32 pátýa shyǵaryldy, - dedi Qazaqstan musylmandary dinı basqarmasynyń tóraǵasy, Bas múftı: Erjan qajy Malǵajyuly,
