Dástúrli bilim berýdi jalǵastyrý máselesin qaraýymyz kerek - senator
«Búgin qos palatynyń birikken otyrysyna Prezıdent qatysyp, halyqqa Joldaýyn arnady. Osy oraıda men úsh máselege toqtalǵym kelip tur. Birinshisi, bilim salasy. Ásirese úzdiksiz bilim berýge erekshe mán berildi. Prezıdent qazirgi qalyptasqan onlaın bilim berý júıesine qatysty óziniń synı pikirin aıtty. Biz eldi aralaǵanda bul máseleni kótergenbiz. Qazir biz qalyptasqan dástúrli bilim berýdi jalǵastyrý máselesin qaraýymyz kerek. Meniń oıymsha, ata-analardyń kelisimimen balalardy dástúrli bilim berýge kóshirýge múmkindik bar dep esepteımin» deıdi Murat Baqtııaruly.
Onyń aıtýynsha, ekinshi másele - jergilikti ózin-ózin basqarý. Bul baǵyttaǵy zań bizde bar, biraq formaldy túrde qoldanylyp kelgen.
«Prezıdent osy máselege aıryqsha nazar aýdaryp, aýyl ákimderin halyqtyń pikirine súıene otyryp saılaý máselesin aldaǵy jyly engizý qajet ekenin aıtty. Joldaýda ulttyq qundylyqtar máselesi de kóterildi. Memleket basshysy keleshek adal, bilimdi, kásipke beıim urpaq tárbıeleý isine aralasýdy barlyq qoǵamdyq ınstıtýttarǵa júktedi. Parlament óz tarapynan Prezıdenttiń tapsyrmalarynyń zańdyq turǵyda tujyrymdalýyn jan-jaqty qaraıtyn bolady.
