Dástúrli «Altyn tulpar» alaman báıgesiniń jeńimpazy anyqtaldy

Dástúrge aınalǵan jarys bıyl «EKSPO-2017» halyqaralyq kórmesi aıasynda ótti.

Osydan 2 jyl buryn oza shaýyp, báıge alǵan Jambyl oblysynyń «Samaly» bıyl da babynda ekenin baıqatyp, máre syzyǵyn birinshi bolyp kesti. Tizimge 37 júırik jazyldy. 8 aınalymdy alty aınalýǵa tıis júırikter bıylǵy synnyń erekshe ekenin sezingen sekildi. Máre syzyǵyn anyǵynda altaýy ǵana kesti. Jetinshisine kúmánmen qaraǵandar bar. Alǵashqy aınalymda 35 nómirdegi shabandoz taqymyndaǵy súlik qara súıkimdi edi. Súıkimdi bolatyny, ózgelerden oq boıy ozyp shyqty. 5-aınalymnyń ortasyna deıin jaqsy keldi.

«Ataqty Qozykúreńniń tuqymy, Alla buıyrtyp shaýyp júr. Utyp ta júr. Ózi Lýgovoıdan kelgen. Báıgege jaratyp jatyrmyz. «Samal» myqty eken. Úsh jylda 2 ret báıgeden kelý myqty jylqyǵa tán qasıet. Qordaıdyń qorasynan shyqqan jylqynyń aqshalaı syılyqtardan bólek 8 kólik alýy kóńil kónshitetin jańalyq. «Altyn tulpardan» byltyr tynyqqan «Samal» Almaty qalasynyń atynan shyqqan qara atty alǵa salǵan. Orta tusqa deıin nysanda ustap otyrdy. Altynshy aınalym bastalǵanda da qara attyń ekpini qatty edi. Sodan keıin toqtady. Shabandozy sheber eken. Іlbip bolsyn máreden ótýdi jón kórdi. Talaı jer qalyp qoıǵan 2 júırik sońynan salǵan. Aıańnan da baıaý qalpynda qara at úshinshi keldi. «Samaldan» keıingi orynda Oljas mingen «Qoıanqasqa» tur»,-dedi atbegi Seıilhan Shyntasov.