Dastan Sátpaevty Anglııanyń “Bernlı” komandasy jalǵa aldy - ınsaıder
ALMATY. KAZINFORM – Fýtbol áleminde tanymal ınsaıder, jýrnalıst Fabrıtsıo Romano qazaqstandyq fýtbolshy Dastan Sátpaevqa qatysty tyń aqparatpen bólisti.
Onyń aıtýynsha, “Chelsı” fýtbol klýby jaqynda 18 jasqa tolǵan oıynshysyn Anglııanyń deńgeıi jaǵynan ekinshi lıgasy - Chempıonshıpte óner kórsetetin «Bernlıge» jalǵa berdi.
- HERE WE GO! «Bernlı» «Chelsıdiń» daryndy shabýylshy Dastan Satpaevpen kelisimshart boıynsha kelisimge keldi.
Qazaqstandyq 18 jasar shabýylshy komandaǵa jalǵa beriledi. Kelisimde keıin satyp alý quqyǵy qarastyrylmaǵan, sebebi Satpaev maýsym aıynda qaıta oralady. Bul — Maks Alleınmen jasalǵan kelisimnen keıingi «Bernlı» jobasy úshin taǵy bir jas daryndy oıynshy, - delingen onyń jazbasynda.
Eske salaıyq, byltyr Dastan Sátpaevtyń “Qaırattan” «Chelsıge» aýysatynyn alǵashqylardyń biri bolyp Fabrıtsıo Romano habarlady.
Sátpaev bıyl maýsym aıynda “Qaırat” sapyndaǵy sońǵy matchyn ótkizip, Londonǵa attanǵan bolatyn. Ol bapker Habı Alonsonyń qol astynda “Chelsıdiń” maýsym aldyndaǵy oqý-jattyǵý jıynyna qatysty. Avstralııada «Vestern Sıdneı Ýonderers» komandasyna qarsy oıynda alǵashqy golyn soǵyp ta úlgerdi.
