Dastan Sátpaev jazda aýysatyn «Chelsı» komandasyna jańa bapker keldi
ASTANA. KAZINFORM – Anglııalnyń «Chelsı» komandasy ıspanııalyq 44 jastaǵy maman Habı Alonsonyń bas bapker bolyp taǵaıyndalǵanyn jarııalady.
Tájirıbeli bapker londondyqtarmen 4 jylǵa kelisimshartqa qol qoıdy. Kelisimshart 2030 jyldyń jazyna deıin jaramdy. Ol 1 shildeden bastap jumysqa kirisedi.
2025/26 jylǵy fýtbol maýsymda «Chelsı» basshylyǵy Entso Mareský men Lıem Rozenordy qyzmetinen alyp tastady. Olardan keıin komandany bas bapker mindetin atqarýshy Kalým Makfarleın basqardy.
Habı Alonso fýtbolshy mansabynda «Lıverpýl» (Anglııa), «Real Madrıd» (Ispanııa) jáne «Bavarııa» (Germanııa) komandalarynda oıyn kórsetti. Ol bapkerlik mansabynda burynǵy fýtbolshysy jattyqtyrýshy retinde Ispanııada «Real Madrıdtiń» jasóspirimder, sodan keıin «Real Sosedadtyń» ekinshi komandasymen jumys istedi.
2022 jyldan 2025 jylǵa deıin ol germanııalyq «Baıerdi» jattyqtyrdy. Ol 2023/24 jylǵy maýsymda Germanııa chempıony atandy, týrnırdi jeńilissiz aıaqtady, oǵan qosa kýbok pen eldiń sýperkýbogyn jeńip aldy.
Habı Alonso 2025 jyldyń maýsymynan 2026 jyldyń qańtaryna deıin basqarǵan ıspanııalyq «Real Madrıd» klýbynyń tizginin ustady. Tájirıbeli maman 34 matchta ol 24 jeńiske jetip, 4 ret teń tússe, 6 jeńiliske ushyrady.
Aıta ketsek, almatylyq «Qaırat» komandasynyń jas shabýylshysy Dastan Sátpaev 2026 jyldyń jazynda Chelsı» sapyna qosylady.
