Dastan Sátpaev jaraqatyna baılanysty ýaqytsha «Chelsıge» oralady
ASTANA. KAZINFORM — Qazaqstandyq shabýylshy Dastan Sátpaev jaraqatynan aıyǵý úshin «Bernlıden» ýaqytsha «Chelsıge» oralady, dep habarlaıdy Sports.kz.
18 jastaǵy fýtbolshy 2 qyrkúıekte Anglııa Chempıonshıpiniń tórtinshi týrynda «Mıdlsbroǵa» qarsy ótken kezdesýde jaraqat alǵan edi.
— Úzdik oıynshy jaraqat aldy. Habarlarǵa qaraǵanda, Dastan Sátpaev «Mıdlsbroǵa» qarsy matchta alǵan jaraqatyna baılanysty birneshe apta alańǵa shyǵa almaýy múmkin. Ol aýystyrylǵan kezde aıaǵyn ustap shyqty. Qalpyna kelý kezeńinde fýtbolshy «Chelsıge» oralady, al jaraqatynan aıyqqannan keıin qaıtadan soltústikke attanady, — dep habarlady Talk BFC portaly.
«Mıdlsbroǵa» qarsy oıynda Dastan Sátpaev «Bernlıdiń» negizgi quramynda alańǵa shyǵyp, kezdesýdiń úzdik oıynshysy atandy.
Match 1:1 esebimen aıaqtaldy. 81-mınýtta qazaqstandyq shabýylshy aıaǵynan jaraqat alyp, oıyndy jalǵastyra almady.
Keıin «Bernlı» klýby Sátpaevtyń qalpyna kelýine birneshe apta qajet bolatynyn habarlady.
