Dastan Sátpaev resmı túrde jańa komandaǵa aýysty
ALMATY. KAZINFORM — Qazaqstandyq fýtbolshy Dastan Sátpaev Anglııanyń kóne klýbtarynyń biri — «Bernlı» oıynshysy atandy.
Bul týraly «Chelsı» men Bernlı» fýtbol klýbtary áleýmettik jelide habarlady. Kók jeıdeli komanda Sátpaev «Qaırattan» «Chelsıge» resmı túrde aýysqanyn habarlap, Qazaqstan quramasynyń oıynshysy aldaǵy maýsymdy «Bernlıde» ótkizetinin jetkizdi.
Bul jańalyqpen Anglııa Premer-lıgasynyń keıingi chempıonat — Chempıonshıpte óner kórsetetin «Bernlı» de bólisti.
— Qazaqstan quramasynyń oıynshysy Dastan Sátpaev «Chelsıden» bir maýsymǵa jalǵa alynǵanyn qýanyshpen habarlaımyz, — delingen klýb jazbasynda.
Dastan Sátpaev manbasyndaǵy jańa kezeńge qatysty áleýmettik jelide pikir bildirdi.
— Bul tek bastamasy. Jalǵa barý — meniń myqtyraq bolýyma kómektestin jańa tájirıbe. Bar jaqsy aldyda. Alǵa qazaq elim, — dep jazdy ol.
Eske salaıyq, buǵan deıin fýtbol áleminde tanymal ınsaıder Dastan Sátpaevqa qatysty tyń jańalyqpen bólisti.
