Dastan Satpaev Qazaqstandaǵy JOO-da oqý úshin grantqa ıe boldy
ASTANA. KAZINFORM — 17 jastaǵy qazaqstandyq fýtbolshy Dastan Satpaev Qazaqstandaǵy joǵarǵy oqý oryndarynyń birinde oqý úshin arnaıy akademııalyq grantqa ıe boldy.
Grantty Dastan Satpaevqa Qazaqstan sport jáne týrızm akademııasynyń prezıdenti Qaırat Zakırıanov tapsyrdy. Ol bilim men sportty úılestirýdiń mańyzdylyǵyn atap ótti.
Satpaevtyń fýtboldaǵy maqsattylyǵy halyqaralyq deńgeıde de baǵalanyp, buǵan deıin tanymal aǵylshyn «Chelsı» klýbynyń nazaryn aýdarǵan bolatyn. Jas sportshynyń sheteldik klýbtan shaqyrtý alý faktisi qazaqstandyq fýtbol úshin mańyzdy oqıǵa bolyp sanalady.
Ázirge, Dastan Satpaevtyń Londonǵa ketýin eskere otyryp, ol grantty qalaı paıdalana alatyny týraly aqparat berilmedi.
Buǵan deıin «Qaırat» jáne Qazaqstan jastar quramasynyń burynǵy oıynshysy Aıdar Arǵymbaev Dastan Satpaevty Qazaqstan fýtbolynyń tarıhyndaǵy eń úzdik jas shabýylshy dep baǵalaǵan bolatyn.
Sonymen qatar, Dastan Satpaevtyń London klýbyndaǵy jattyqtyrýshysy da jarııalandy.
Aıta ketıeik, buǵan deıin Dastan Sátpaev «Daryn» memlekettik jastar syılyǵyn aldy.
