Dastan Sátpaev Qazaqstan týyn ustaǵan sheteldik jankúıerge jeıdesin syılady
ASTANA. KAZINFORM – Qazaqstan quramasy men Anglııanyń «Bernlı» klýbynyń shabýylshysy Dastan Sátpaev Chempıonshıp aıasynda «Lınkoln Sıtıge» qarsy syrt alańda ótken matchtan (1:4) keıin jankúıerge óziniń oıyn jeıdesin syılady, dep habarlaıdy Sports.kz.
Instagram jelisindegi matchwornroyally akkaýntynyń ıesi fýtbolshymen kezdesken sáti týraly jazdy. Match bastalmaı turyp, Sátpaev onyń «Chelsı» klýbyna arnalǵan kollektsııalyq kartochkasyna qoltańba qaldyrǵan.
«Sátpaev stadıonǵa kelgen kezde onymen sóılesýdiń sáti tústi. Ol kollektsııalyq kartochkama qoltańba qaldyrýǵa yqylaspen kelisti. Dastan matchtan keıin Qazaqstan týy arqyly meni izdep tabýǵa tyrysatynyn aıtty. Oıyn sońynda jankúıerlerge qoldaý kórsetip kelgeni úshin alǵys bildirgennen keıin maǵan óziniń jeıdesin syılady. Muny vıdeodan kórýge bolady. Dastan — Qazaqstannan shyqqan eń jarqyn fýtbolshylardyń biri. Ol Anglııada mansabyn bastaǵan sátten-aq tutas eldiń úmitin arqalap júr. Úlken raqmet, Dastan, — dep jazdy jankúıer.
Eske salaıyq, atalǵan kezdesýde Sátpaev «Bernlıdiń» negizgi quramynda alańǵa shyǵyp, 60 mınýt oınady. Keıin onyń ornyna Olıver Sonne shyqty. Qazaqstandyq fýtbolshy «Chelsıden» jalǵa alý shartymen «Bernlı» sapynda 2026-27 jylǵy maýsymnyń sońyna deıin óner kórsetedi.
Buǵan deıin Dastan Sátpaev 90 mınýt oınaýǵa qashan daıyn bolatyny týraly jazdyq.
