Dastan Sátpaev Qazaqstan Premer-lıgasynyń eń qymbat oıynshysy atandy

ASTANA. KAZINFORM — Elimiz jáne Qazaqstan Premer-lıgasynyń eń qymbat oıynshysy bolyp 17 jastaǵy Dastan Sátpaev tanyldy. 

Transfermarkt Qazaqstan Premer-lıgasy naryqtyq qunyn jańartý júrgizdi. Onyń qorytyndysy boıynsha Dastan Sátpaev Premer-lıganyń eń qymbat oıynshysy mártebesine ıe boldy jáne Qazaqstannyń eń qymbat oıynshysy reıtınginde kósh basyna shyqty. Qazir Dastannyń transferlik quny 3 mıllıon eýroǵa jetti.

Endigi kezekte 2026 jyldyń tamyz aıynda Anglııanyń «Chelsı» klýbynyń tolyqqandy oıynshysy atanatyn «Qaırattyń» 17 jastaǵy talanty reıtıng boıynsha Reseı chempıonatynyń úsh ókili Bahtıer Zaınýtdınov (2,8 mln eýro), Nuraly Álip (2,5 mln eýro) ıjáne Maksım Samorodovty (2,5 mln evro) artta qaldyryp otyr.

Transfermarkt málimetine sáıkes Dastan Sátbaev elimiz, «Qaırat», Qazaqstan Premer-lıgasy eń qymbat oıynshysy retinde aldyńǵy orynda tur. Al búkil álem boıynsha 2018 jylǵy dúnıege kelgen fýtbolshylar arasynda 15, álemniń ortalyq shabýylshylary qatarynda 463 orynǵa taban tiredi.

Eske salsaq, budan buryn Dastan Sátpaev 16 jasqa deıingi fýtbolshylar arasynda álemniń úzdik surmergeni atandy.