Dastan Sátpaev Qazaqstan quramasyndaǵy alǵashqy golyn Belgııaǵa saldy
ASTANA. KAZINFORM – Fýtboldan 2026 jylǵy álem chempıonaty irikteý kezeńindegi Qazaqstan men Belgııa kezdesýinde quramanyń eń jas shabýylshysy Dastan Sátpaev gol soqty.
Dál qazir elordadaǵy «Astana-arena» stadıonynda ótip jatqan oıynda alǵashqy mınýttan qazaqstandyq fýtbolshylar alǵa qaraı umtyldy. Osyndaı sátterdiń birinde Dastan qarsylas qaqpasynan sańylaý taýyp ketti. Bul – 17 jastaǵy jas fýtbolshynyń qurama sapynda soqqan alǵashqy goly.
Dastan Sátpaev ulttyq qurama sapyndaǵy alǵashqy oıynyn 2025 jyldyń 19 naýryzynda Kıýrasao quramasy qarsy kezdesýinde jasady. Qazirge deıin alty oıyn ótkizip úlgerdi.
Qazir týrnır kestesinde qazaqstandyq fýtbolshylar 7 oıynnan keıin 7 upaımen tórtinshi orynda kele jatsa, Belgııa 14 upaımen kósh basynda tur.
FIFA reıtınginde Qazaqstan quramasy 119 orynda tursa, Belgııa 8 orynǵa jaıǵasqan.
Qazirge deıin otandastarymyz Ýelsten eki márte (1:3, 0:1), Soltústik Makedonııadan (0:1), Belgııadan (0:6) esebimen jeńilip, Soltústik Makedonııamen (1:1) teń tússe, Lıhtenshteındi (4:0, 2:0) eki márte tize búktirdi.
Buǵan deıin Qazaqstan quramasy óz alańynda Belgııamen kezdesetinin jazǵan edik.