Dastan Sátpaev «Qaırattyń» qorytyndy oqý-jattyǵý jıynyna qatyspaıdy

— Medıtsınalyq kórsetkishterge baılanysty «Qaırat» shabýylshysy emin Qatarda jalǵastyrady, sodan keıin Almatyda komandaǵa qosylady, — dep habarlady klýbtan.

Komandanyń jas juldyzy jaraqatyna baılanysty Birikken Arab Ámirlikterindegi oqý-jattyǵý jıynyna jáne ÝEFA Chempıondar lıgasynyń toptyq kezeńdegi «Brıýgge», «Arsenal» komandalaryna qarsy oıyndarǵa da qatyspady.

Buǵan deıin «Qaırat» fýtbol klýby 2026 jylǵy maýsym aldyndaǵy qorytyndy oqý-jattyǵý jıyny 20 aqpanǵa deıin Belek qalasynda ótetinin habarlady. Oǵan 17 jastaǵy fýtbolshy Dastan Sátpaev ta shaqyrylǵan edi.

Eske salaıyq, brıtandyq The Guardian gazeti álemdik fýtboldaǵy eń úzdik 60 jas talantty atap, oǵan.«Qaırattyń» shabýylshysy Dastan Sátpaev qosqan edi.

Bıyl kámelet jasyna tolǵan soń, Sátpaev resmı túrde «Chelsı» komandasyna qosylady.