Dastan Sátpaev «Qaırat» sapyndaǵy sońǵy oıynda eki gol soqty
ASTANA. KAZINFORM - Búgin Qazaqstan Premer-lıgasynda HVІІ týrynyń aldyn ala ótkizilgen oıynynda «Qaırat» (Almaty) - «Qyzyljar» (Petropavl) komandalary kezdesti.
Almatylyq komanda sońǵy úsh týrda jeńiske jete almaı keldi.
Eki márte teń tússe, bir márte qarsylasyna ese jiberip qoıdy. Saldarynan týrnır kestesinde jaǵdaıyn qıyndatyp, bas júldege talasta shymkenttik «Ordabasydan» úsh upaıǵa qalyp qoıdy.
Sondaı-aq bul kezdesýde qazaqstandyq jas juldyz Dastan Sátpaev almatylyq klýb sapynda sońǵy matchyn ótkizetini belgili boldy. Endi ol Anglııanyń «Chelsı» klýbyna aýysyp, el fýtbolynda sol elde oınaıtyn tuńǵysh fýtbolshy atanady.
Dastan almatylyq klýb sapyndaǵy sońǵy kezdesýinde jankúıer kóńilinen shyǵatyn sheberligin kórsete bildi. Oıynnyń 59-mınýtynda ol alǵashqy golyn soqsa, 87-mınýtta taǵy bir márte mergendik tanytty. Taǵy bir goldy almatylyq klýbtyń jas fýtbolshysy Ismaıl Bekbolat óziniń enshisine jazdy.
El birinshiliginde aldaǵy týr oıyndary 20 jáne 21 maýsym kúnderi ótkiziledi.
