Dastan Satpaev «Qaırat» sapyndaǵy sońǵy matchtaryn ótkizedi
ASTANA. KAZINFORM – Dastan Satpaev «Qaırat» sapyndaǵy sońǵy matchtaryn ótkizedi. Bul týraly klýb resmı málimdeme jasady.
— On jyl buryn Dastan «Qaırat» Akademııasyna armanymen, ózine degen senimmen, fýtbolǵa degen súıispenshiligimen kelgen edi. Osy ýaqyt ishinde ol negizgi komandanyń kóshbasshylarynyń birine, klýb rekordsmenine, qazirgi quramnyń eń nátıjeli oıynshysyna, jankúıerlerdiń súıiktisine aınaldy. Endi onyń sary-qaralar sapyndaǵy joly óz máresine jaqyndady. Sizderdi Satpaevtyń «Qaırat» sapyndaǵy sońǵy matchtaryn tamashalap, túlegimizdi qurmettep shyǵaryp salý, maýsymnyń mańyzdy kezeńinde komandany qoldaý úshin «Ortalyqqa» shaqyramyz. «Atyraý» jáne «Qyzyljar» komandalaryna qarsy ótetin óz alańymyzdaǵy matchtarǵa bılet satyla bastady. Bizdiń túlegimiz úshin bul kezdesýler londondyq «Chelsıge» aýysar aldyndaǵy «Qaırat» quramyndaǵy sońǵy oıyndar bolmaq, — delingen klýb habarlamasynda.
13 maýsym (senbi) | 18:00
«Qaırat» — «Atyraý»
17 maýsym (sársenbi) | 19:00
«Qaırat» — «Qyzyljar»
— «Qyzyljarǵa» qarsy matchtan keıin Ortalyq stadıonda shabýylshymyzǵa arnalǵan qoshtasý rásimi ótedi. Ol aldaǵy ýaqytta eýropalyq úlken sahnada jańa synaqqa qadam basady, — delingen habarlamada.
Aıta ketelik Dastan Satpaev Qazaqstandaǵy JOO-da oqý úshin grantqa ıe bolǵan edi.
