Dastan Sátpaev Chempıondar lıgasy negizgi kezeńindegi alǵashqy golyn soqty

ASTANA. KAZINFORM — Qazaqstandyq «Qaırat» komandasynyń jas shabýylshysy Dastan Sátpaev fýtboldan UEFA Chempıondar lıgasy negizgi kezeńindegi alǵashqy golyn soqty.

Ol atalǵan týrnırdiń besinshi týrynda syrt alańda Danııanyń «Kopengagen» komandasymen kezdesýinde 81-mınýtta qaqpashynyń qateligin sheber paıdalana bildi.

Oǵan deıin danııalyq klýb sapynan Vıktor Dadason 26, Djordan Larsson 59, Robert 73-mınýtta gol soqqan edi. 

Saldarynan dál qazir «Qaırat» qarsylasyna 1:3 esebimen jeńilip jatyr.

Qazirge deıin Chempıondar lıgasy negizgi kezeńinde «Qaırat» Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2 esebimen jol berse, Kıprdiń «Pafosymen» 0:0 esebimen teń túsken edi.

Endi qazaqstandyq klýb odan keıin 9 jeltoqsanda Astanada Grekııanyń «Olımpıakos», 2026 jyldyń 20 qańtarynda Belgııanyń «Brıýgge» klýbyn qabyldaıdy. 

Eske salsaq, búgin Kopengagende Eýropanyń túkpir-túkpirinen «Qaırattyń» jankúıerleri jınaldy.