Dastan Sátpaev «Chelsı» sapynda debıýttik golyn soqty
ASTANA. KAZINFORM – Qazaqstan quramasynyń 17 jastaǵy shabýylshysy Dastan Sátpaev Londonnyń «Chelsı» klýby sapyndaǵy alǵashqy golyn soqty. Bul týraly Informsports.kz saıty habarlaıdy.
Sátpaev Aestralııadaǵy maýsym aldyndaǵy oqý-jattyǵý jıyny aıasynda ótken «Vestern Sıdneı Ýonderers» klýbymen joldastyq kezdesýde negizgi quramda alańǵa shyqty. Ol matchtyń 7-mınýtynda qarsylas qaqpashysymen jeke-dara shyǵyp, múmkindigin múlt jibermeı, esep ashty.
Bul – jas qazaqstandyq fýtbolshynyń «Chelsı» sapyndaǵy alǵashqy goly. Kezdesý Sıdneı qalasyndaǵy «Akkor» stadıonynda ótti.
Aıta keteıik, Dastan Sátpaev «Chelsıge» resmı túrde kámelet jasyna tolǵannan keıin qosylady. Klýbtyń bas bapkeri Habı Alonso oıynshynyń bolashaǵyna qatysty sheshimdi maýsym aldyndaǵy baqylaý matchtarynyń qorytyndysy boıynsha qabyldaıdy.
Sátpaevtyń erte soqqan goly onyń Eýropanyń alpaýyt klýbyndaǵy alǵashqy múmkindigin sátti paıdalanǵanyn kórsetti jáne qazaqstandyq jankúıerler úshin mańyzdy oqıǵaǵa aınaldy.
Dastan Sátpaev Qazaqstannyń eń qymbat oıynshysy atanǵan edi.
