Dastan Sátpaev «Bernlı» sapynda kelesi oıynyn qashan ótkizýi múmkin
ASTANA. KAZINFORM — Qazaqstan quramasynyń shabýylshysy Dastan Sátpaev óner kórsetetin Anglııanyń «Bernlı» klýby Chempıonshıptiń 11-týry aıasynda «Výlverhemptonmen» kezdesedi, dep habarlaıdy Sports.kz.
Match 16 qazannan 17 qazanǵa qaraǵan túni «Terf Mýr» stadıonynda ótedi. Qazaqstan ýaqytymen túngi saǵat 00:00–de bastalady. Bul oıynda Sátpaevtyń «klaretter» sapynda alańǵa qaıta shyǵýy múmkin.
Aldyńǵy týrda qazaqstandyq shabýylshy «Charlton Atletıkke» qarsy óz alańynda ótken matchqa qatysatyn oıynshylar tizimine enbedi. Kezdesý 2:2 esebimen aıaqtaldy. Oǵan deıin «Bernlı» «Ýotfordty» 4:0 esebimen oısyrata jeńgen. Sol matchta Dastan Sátpaev ta alańǵa shyqty.
Qazir «Bernlı» týrnır kestesindegi tómengi oryndardan joǵary kóterilip, Chempıonshıpte 8 upaımen 21-orynda tur.
Aıta keteıik, tamyz aıynyń sońynda Dastan Sátpaev «Bernlı» sapyndaǵy alǵashqy tolyq matchyn ótkizgen bolatyn.
