Dastan Sátpaev «Bernlı» sapyna oralýǵa jaqyn
ASTANA. KAZINFORM — «Bernlı» halyqaralyq úziliske deıin «Derbı Kaýntımen» 1:1 esebimen teń tústi. Bul kezdesýde komanda birqatar jaraqat alǵan fýtbolshylarynsyz oınaýǵa májbúr boldy, dep habarlaıdy Informsports.kz.
Úsh aptalyq úzilis kezinde birneshe oıynshynyń tolyq qalpyna kelýi kútilip otyr. Olardyń qatarynda Dastan Sátpaev ta bar. Sonymen birge Djosh Kallen, Enok Ageı jáne Djeıdon Banel de jaraqatynan aıyǵý kezeńinde.
Bas bapker Nıkkı Haıen Sátpaevtyń komanda úshin mańyzdy fýtbolshy ekenin atap ótti.
- Djosh Kallen de komandaǵa oralýǵa jaqyn. Dastan da qatarǵa qosylyp keledi. Bul bizge kóbirek múmkindik beredi, – dedi Haıen.
Sondaı-aq bapker qazaqstandyq shabýylshynyń buǵan deıingi oıyndardaǵy róline toqtaldy.
- Dastannyń sol eki matchta biz úshin qanshalyqty mańyzdy bolǵanyn bári biledi. Sondyqtan onyń qaıtadan bizdiń qatarymyzda bolýy óte mańyzdy, – dedi «Bernlı» bas bapkeri.
Al ıAkob Brýn Larsen ókshesindegi jaraqatynan keıin «Derbı Kaýntıge» qarsy kezdesýde alańǵa oraldy. Djeıdon Banel de jattyǵýǵa kirisip, aldaǵy matchqa qatysýy múmkin.
Halyqaralyq úzilisten keıin «Bernlı» 10 qazanda syrt alańda «Ýotfordpen» kezdesedi. Komanda osy oıynǵa deıin Sátpaev pen taǵy birneshe fýtbolshynyń tolyq qalpyna kelýinen úmitti.
Aıta ketelik Dastan Sátpaev jaraqatyna baılanysty ýaqytsha «Chelsıge» oralatyny týraly jazǵan edik.
