Dastan Sátpaev Anglııa chempıonatynda alǵashqy matchyn qashan ótkizedi
ASTANA. KAZINFORM – Qazaqstan quramasynyń shabýylshysy Dastan Sátpaevtyń Anglııanyń «Bernlı» klýby sapyndaǵy alǵashqy matchyn qashan ótkizýi múmkin ekeni belgili boldy, dep habarlaıdy Sports.kz saıty.
18 jastaǵy shabýylshy jańa klýb sapyndaǵy debıýtin 23 tamyzda Chempıonshıptiń (Anglııanyń ekinshi dıvızıony) ekinshi týrynda «Vest Bromvıchke» qarsy matchta jasaýy múmkin.
Anglııa chempıonatynyń alǵashqy týrynda «Bernlı» 16 tamyzda óz alańynda «Vest Hemmen» 2:2 esebimen teń tústi. Alaıda Dastan Sátpaev bul kezdesý tizimine engen joq.
Eske salaıyq, qazaqstandyq fýtbolshynyń transferlik quqyǵy «Chelsıge» tıesili. Alaıda londondyq klýb oǵan turaqty oıyn tájirıbesin berý maqsatynda bir maýsymǵa jalǵa jiberý týraly sheshim qabyldady.
«Bernlı» ótken maýsymda Anglııa Premer-lıgasynda óner kórsetkenimen, elıtalyq dıvızıondaǵy ornyn saqtap qala almady.
Aıta keteıik, buǵan deıin Dastan Sátpaev Anglııanyń kóne klýbtarynyń biri – «Bernlı» oıynshysy atanǵanyn jazdyq.
