Dastan Sátpaev Abý-Dabıdegi alǵashqy jıynǵa qatyspaıtyn boldy

ASTANA. KAZINFORM — «Qaırat» fýtbol klýby Abý-Dabıdegi alǵashqy jıynǵa qatysatyn oıynshylar tizimin jarııa etti. Biraq tizimde Dastan Sátpaev joq.

«Qaırat» FK baspasóz qyzmetiniń málimetinshe, Dastan Sátpaev, Oljas Baıbek pen Azamat Tuıaqbaev em qabyldap, ońaltý kezeńinen ótip júr. Sol sebepti olar Abý-Dabıdegi alǵashqy jıynǵa qatyspaıdy.

Aıta keteıik, 2 qańtarda komanda úsh aptalyq demalystan keıin bazaǵa jınalyp, bastapqy medıtsınalyq tekserýden ótti.

Al 4 qańtar kúni tańerteń erte «Qaırat» Birikken Arab Ámirlikterine attandy. Olar 15 qańtarǵa deıin jalǵasatyn oqý-jattyǵý jıynyn ótkizedi. Jıynnyń negizgi maqsaty — ońtaıly fızıkalyq formaǵa kelý jáne resmı matchtarǵa daıyndyq.

Sonymen Abý-Dabıdegi alǵashqy jıynǵa qatysatyn oıynshylar tizimi mynadaı:

Qaqpashylar: 

— Temirlan Anarbekov;

— Sherhan Qalmurza;

— Danıla Bých.

Qorǵaýshylar:

— Lýısh Mata;

— Aleksandr Martynovıch;

— Egor Sorokın;

— Erkin Tapalov;

— Aleksandr Mrynskıı;

— Aleksandr Shırobokov;

— Lev Kýrgın;

— Sultan Asqarov;

— Ámirbek Bazarbaev.

Jartylaı qorǵaýshylar:

— Dan Gleızer;

— Valerıı Gromyko;

— Damır Qasabýlat;

— Ádilet Sadybekov;

— ıAakko Oksanen;

— ıÝg Stanoev;

— Muhamedálı Ábish;

— Ismaıl Bekbolat.

Shabýylshylar:

— Jorjıno;

— Edmılson;

— Rıkardıno;

— Ramazan Baǵdat;

— Mansýr Bırkýrmanov.

Budan buryn, Abý-Dabıde komanda eki baqylaý kezdesýin ótkizetini habarlandy: 9 qańtar «Neftchı», 14 qańtar «Varajdın». Sonymen qatar 20 qańtarda sary-qaralar Astanada belgııalyq «Brıýggemen» oınaıdy, al 28 qańtarda Londonda ÝEFA Chempıondar lıgasynyń jalpy kezeńindegi sońǵy matchty «Arsenalǵa» qarsy ótkizedi.