Dastan Sátpaev 17 jastaǵy oıynshylar arasynda álemdik TOP-5 tizimine endi
ALMATY. KAZINFORM — Fýtbolǵa arnalǵan álemdegi eń iri platformalardyń biri Score 90 qazaqstandyq fýtbolshy Dastan Sátpaevti óz reıtıngine qosty.
Basylym úzdik jas fýtbolshylardyń tizimin jasap, olardy jas erekshelikterine qaraı bóldi. Reıtıngte 2005-2008 jyldary dúnıege kelgen úzdik fýtbolshylar kirdi. 2008 jylǵy, ıaǵnı 17 jastaǵy fýtbolshylar arasynda TOP-5 tizimi:
1. Lennart Karl (Germanııa, «Bavarııa»);
2. Ibraım Mbaıe (Senegal, «PSJ»);
3. Ngýmoa Rıo (Anglııa, «Lıverpýl»);
4. Honest Ahanor (Italııa–Nıgerııa, «Atalanta»);
5. Dastan Sátpaev (Qazaqstan, «Qaırat» — «Chelsı»).
Eske salaıyq, buǵan deıin de qazaqstandyq fýtbolshy álemdik basylymdardyń reıtıngterine engen edi. Brıtandyq The Guardian gazeti álemdik fýtboldaǵy eń úzdik 60 jas talantty atady. 2008 jyly dúnıege kelgen keleshegi zor oıynshylar tiziminde almatylyq «Qaırattyń» shabýylshysy Dastan Sátbaev bar.
Sondaı-aq Dastan Sátpaev UEFA Chempıondar lıgasynda gol soqqan eń jas oıynshylar úshtigine kirdi.