Dastan Sátpaev 16 jasqa deıingi fýtbolshylar arasynda álemniń úzdik surmergeni atandy
ASTANA. KAZINFORM — Qazaqstandyq Dastan Sátpaev 16 jasqa deıingi fýtbolshylar arasynda álemniń úzdik surmergeni atandy.
Bul derekti brazılııalyq Noite de Copa portaly jarııalady. Olar 2025 jyly atalǵan jastaǵy fýtbolshylardyń soqqan goldaryn esepke alǵan. qazir Dastannyń enshisinde 9 gol bar.
Dastan Almatyda 2008 jyly dúnıege kelgen. Segiz jasynda «Qaırat» Akademııasyna túsip, daıyndyqtyń barlyq satysynan ótti.
Aıta ketsek, 2024 jyldyń mamyr aıynda Dastan Sátbaev «Qaırat» komandasynda debıýt jasaǵan eń jas oıynshy retinde tarıhqa endi. Ótken QJ lıgasynda jas fýtbolshy 28 oıynda 26 gol soǵyp, 10 nátıjeli pas berdi.
Sondaı-aq Sátbaev maýsymnyń úzdik oıynshysy ataǵyn aldy. Al ÝEFA jasóspirimder lıgasynda (U19) 16 jasar fýtbolshy tórt matchta bir gol soǵyp, bir nátıjeli pas berdi.
Dastan Sátpaev Qazaqstan fýtboly tarıhynda rekord ornatty.
Dastan Sátpaev fýtboldan 2026 jylǵy álem chempıonatynyń irikteý týrnırinde Ýelspen ótken matchta 74-mınýtta alańǵa shyqty.
Ol 16 jas 7 aıǵa tolǵan merzimde Qazaqstan ulttyq quramasy sapynda alǵashqy oıynyn ótkizip, rekord ornatty.
Budan buryn úzdik kórsetkish Jambyl Kókeevke (17 jas 4 aı) tıesili edi.
Eske salsaq, Dastan Sátpaev QPL-diń sáýir aıyndaǵy úzdik oıynshysy atandy.