Daryn.online derekteriniń taralýy tekserilip jatyr
ASTANA. KAZINFORM — Halyqaralyq ThreatMon kıberqaýipsizdik platformasy qazaqstandyq daryn.online bilim berý platformasynyń 4,2 mıllıon paıdalanýshysyna qatysty derekter bazasy «darknette» jarııalanǵan bolýy múmkin ekenin habarlady.
Platforma taratqan málimetke sáıkes, astyrtyn forýmdardyń birinde daryn.online platformasyna tıesili bolýy yqtımal 4,2 mıllıon jazbadan turatyn derekter bazasy anyqtalǵan.
Aldyn ala aqparat boıynsha, jarııalanǵan derekter qatarynda paıdalanýshylardyń aty-jóni, parolderi, jeke sáıkestendirý nómirleri (JSN), elektrondyq poshta mekenjaılary, telefon nómirleri jáne ózge de jeke málimetteri bolýy múmkin. Sondaı-aq bazada kámeletke tolmaǵan paıdalanýshylardyń derekteri de qamtylǵany aıtylǵan.
Osyǵan baılanysty Jasandy ıntellekt jáne tsıfrlyq damý mınıstrligi atalǵan aqparattyń shynaıylyǵyn tekserip jatyr.
— Qazirgi ýaqytta mınıstrliktiń Aqparattyq qaýipsizdik komıteti ashyq aqparat kózderinde jarııalanǵan málimetterdi zerdelep jatyr. Tekserý nátıjeleri boıynsha qosymsha aqparat beriledi, — dep habarlady mınıstrliktiń baspasóz qyzmeti.
Aıta keteıik, Qazaqstanda derbes derekterdi qorǵaýdyń jańa quqyqtyq tetikteri engizildi.
