Daryndy jastar arasynda ádebı-mýzykalyq kesh ótti
ALMATY. Qarashanyń 21-i. QazAqparat /Ádilet Musahaev/ - Keshe Almatyda stýdent jastar arasynda «Týǵan el - tuǵyryń, týǵan til - qydyryń» atty ádebı-mýzykalyq kesh ótti,
dep habarlaıdy QazAqparat.
Shara Táýelsizdik kúnine oraı Almaty qalasynyń Tilderdi damytý basqarmasynyń uıymdastyrýymen ótti. «Keshtiń maqsaty - memlekettik til saıasatyn jastar arasynda nasıhattaý, daryndy stýdent jastardy jan-jaqty qoldaý jáne qazaq ádebıeti men ónerine qurmet kórsetý», deıdi keshti uıymdastyrýshylar.
Kesh barysynda jastar án, kúı, bı oryndap, óz shyǵarmashylyǵynan nemese qazirgi jas aqyndar shyǵarmashylyǵynan til týraly óleńder oqyp, qoıylymdar kórsetti.
