Daryndy jas ǵalymdarǵa arnalǵan 2013 jyldyń memlekettik ǵylymı stıpendııalardy taǵaıyndaý boıynsha konkýrstyq komıssııanyń birinshi otyrysy ótti
ASTANA. 2 qarasha. QazAqparat - Bilim jáne ǵylym mınıstrliginde ǵalymdar, mamandar men daryndy jas ǵalymdarǵa arnalǵan 2013 jyldyń memlekettik ǵylymı stıpendııalardy taǵaıyndaý boıynsha konkýrstyq komıssııanyń birinshi otyrysy ótti.
Bul týraly atalmysh vedomostvonyń baspasóz qyzmetinen habarlady.
Bilim jáne ǵylym mınıstri Baqytjan Jumaǵulovtyń tóraǵalyq etýimen konkýrstyq komıssııa memlekettik ǵylymı stıpendııalarǵa úmitkerlikke usynylǵan materıaldardy qarastyrdy.
Konkýrstyq komıssııa ǵalymdar men mamandar úshin 25, jas ǵalymdar úshin 50, jalpy sany 75 stıpendııa taǵaıyndaıtyn bolady. Komıssııa ǵalymdar, zertteýshiler, ǵylymı qyzmetkerler men respýblıkanyń jas ǵalymdarynan túsken 560 astam ótinimdi qarastyrady.
Otyrys barysynda ǵylymı baǵyttar boıynsha konkýrstyq komıssııanyń sarapshy toptarynyń quramy bekitildi. Sondaı-aq, komıssııa sheshimi boıynsha konkýrstyq materıaldardy qarastyrý kezindegi baǵalaý nysandary men sarapshy toptardyń jumys tártibi kelisildi.
Osylaısha, úmitkerler materıaldary ǵylymı tehnıkalyq saraptaýdyń ulttyq ortalyǵyna jiberiletin bolady. Ortalyqta jumystar 2012 jylǵy 15 qarashaǵa deıin konkýrs talaptaryna sáıkestigi sarapqa túsedi.
Konkýrs qorytyndysyn komıssııa memlekettik ǵylymı stıpendııalardy taǵaıyndaýdyń reıtıngilik irikteýiniń nátıjesi boıynsha shyǵarady (usynylǵan úmitkerler kórsetkishteri men tizimder negizindegi balldardy kórsetýmen).
