Daryndy stýdentterge qosymsha shákirtaqy taǵaıyndaldy

Búgin ýnıversıtettiń I-kýrsyna qabyldanǵan «Altyn belgi» ıegerlerimen kezdesken osy joǵary oqý ornynyń basshysy Baqytjan Ábdiraıym daryndy stýdentterge qosymsha shákirtaqy taǵaıyndaý týraly arnaıy buıryqqa qol qoıǵandyǵyn málim etti.

«Memleket tarapynan tólenip jatqan stıpendııaǵa qosa biz «Altyn belgi» ıegeri atanǵan daryndy stýdent-jastarǵa 7 myń teńge kólemindegi qosymsha shákirtaqy bólip otyrmyz. Ondaı bastama Qazaqstannyń joǵary oqý oryndary ishinde tek Eýrazııa ulttyq ýnıversıtetinde ǵana qolǵa alynyp jatyr. Árıne, osynyń bári «júzden júırik, myńnan tulpar» atanǵan bizdiń jastar úshin jasalyp otyr», - dedi B.Ábdiraıym.

Ýnıversıtet rektory atap kórsetkendeı, qosymsha shákirtaqy tek úzdik oqıtyn stýdentterge ǵana bólinip otyr. «Sondyqtan Sizderdiń synaq kitapshalaryńyzda «tórt» degen baǵa bolmaýy tıis. Áıtpese, qosymsha shákirtaqy tólenbeıtin bolady», - deıdi B.Ábdiraıym. Onyń sózine qaraǵanda, aldaǵy ýaqytta joǵary kýrstarda oqıtyn stýdentterge de osy ispetti shákirtaqyny taǵaıyndaý máselesi sheshilmek. Oǵan «Samuryq - Qazyna» ulttyq ál-aýqat qory qarjylaı qoldaý kórsetetin bolady.

Aıta keteıik, bıyl L. Gýmılev atyndaǵy Eýrazııa ulttyq ýnıversıtetetiniń I-kýrsyna 610 «Altyn belgi» ıegeri qabyldandy. Bul -respýblıka boıynsha eń joǵary kórsetkish.