Daryndy balalar tegin demalady - BǴM
ASTANA. 12 maýsym. QazAqparat - Aǵymdaǵy jyly mektep oqýshylarynyń 92 paıyzyn jazǵy demalys sharalarymen qamtý josparlanǵan. Bul týraly búgingi baspasóz máslıhatynda QR Bilim jáne ǵylym mınıstrliginiń jaýapty hatshysy Álııa Ǵalymova málim etti.
Onyń habarlaýynsha, bıyl san alýan jazǵy lagerlerde demalatyn oqýshylardyń sany 2 mln. balany qurap otyr. Olardyń 1,3 mln.-y, ıaǵnı 58,9 paıyzy saýyqtyrý sharalarymen qamtylady. «Al daryndy balalar tegin demalady. Osy maqsatta jergilikti bıýdjetten 300 mln. teńge bólý qarastyrylǵan. Bul ótken jylmen salystyrǵanda 210 mln. teńgege artyq», - dep atap kórsetti Á. Ǵalymova.
