«Daryn» jastar syılyǵyna endi 35 jasqa deıingi azamattar ótinish bere alady

ASTANA. QazAqparat – QR Úkimetiniń 2023 jylǵy 3 naýryzdaǵy qaýlysymen «Daryn» syılyǵyn berý jáne «Táýelsizdik urpaqtary» grantyn taǵaıyndaý erejelerine ózgerister engizildi, dep habarlaıdy QazAqparat tilshisi.

«Halyqaralyq jáne respýblıkalyq konkýrstardyń, festıvaldar men kórmelerdiń laýreattary, respýblıkalyq jáne halyqaralyq deńgeıdegi sporttyq jarystardyń júldegerleri men jeńimpazdary, sondaı-aq ınnovatsııalyq baǵytta qyzmet atqaratyn jáne tutastaı qoǵamnyń damýyna yqpal etetin 35 jastan aspaǵan QR azamattary syılyq alýǵa úmitker bola alady», - delingen qujatta.

Aıta keteıik, buryn «Daryn» syılyǵy men «Táýelsizdik urpaqtary» granty 29 jastan aspaǵan qazaqstandyqtarǵa taǵaıyndalatyn.

Syılyqty ár nomınatsııa boıynsha eń kóp degende tek 2 úmitkerge berýge ruqsat etiledi. Bul jaǵdaıda aqshalaı syıaqy olardyń arasynda teń bólinedi. Syılyqty buryn alǵan azamat qaıta ótinish bere almaıdy.

Eske salaıyq, byltyr 8 jeltoqsanda Senat 35 jasqa deıingilerdi «jastar» sanatyna engizý týraly zań jobasyn maquldaǵan edi.