«Daryn» jastar syılyǵyna alǵash ret «Kreatıvti qyzmet» nomınatsııasy qosyldy

ASTANA. QazAqparat - Memlekettik «Daryn» jastar syılyǵyna alǵash ret «Kreatıvti qyzmet» nomınatsııasy qosyldy. Bul týraly Aqparat jáne qoǵamdyq damý mınıstri Darhan Qydyráli aıtty, dep habarlaıdy QazAqparat QR Aqparat jáne qoǵamdyq damý mınıstrliginiń baspasóz qyzmetine siltememen.

Zerendide mınıstrliktiń uıymdastyrýymen ótken «Ádiletti Qazaqstan - adal azamat» jastar akademııasynda sóz sóılegen mınıstr:

«Ózderińizge belgili, sońǵy jyldary elimizde kreatıvti ındýstrııa qarqyndy damyp keledi. Talantty jastarymyz ártúrli salada jarqyrap kórinip, jemisti eńbek etýde.

Memleket basshysy da kreatıvti ındýstrııa salasyna jiti kóńil bólý kerek ekenin atap ótken edi.

Sondyqtan bıyl Memlekettik «Daryn» jastar syılyǵyna alǵash ret «Kreatıvti qyzmet» nomınatsııasy qosylyp otyr.

Búgingi kezdesý nátıjeli bolaryna senimdimiz jáne ony jyl saıyn ótkizýdi josparlap otyrmyz» - dedi.

Aıta ketý kerek, Qazaqstannyń barlyq óńirinen kelgen 100-den astam jas úsh kún ishinde túrli trenıngterge qatysyp, ózara tájirıbe almasty.