«Daryn» syılyǵynyń úmitkerlerine tosynsyı daıyndap qoıdyq - Dáýren Abaev

NUR-SULTAN. QazAqparat - Osy jyl - Jastar jyly bolyp belgilengendikten, «Daryn» syılyǵynyń úmitkerlerine bıyl tosynsyı ázirlengen. Bul jaıly QR Aqparat jáne qoǵamdyq damý mınıstri Dáýren Abaev aıtyp berdi, dep habarlaıdy QazAqparat tilshisi.

«Osy sátti paıdalana otyryp, «Daryn» memlekettik jastar syılyǵyna baıqaý jarııalanǵanyn habarlaǵym keledi. Bul syılyq táýelsizdik alǵan alǵashqy jyldary - 1992 jyly bekitilgen bolatyn. Ol syılyq jýrnalıstıka, ádebıet, ǵylym, óner men basqa salalardyń úzdik jastanyna tabystalady. Syılyqtyń eń basty mindeti - talantty jastardy qoldaı otyryp, olardyń ósý jolyn jigerlendirý. Ózińiz biletindeı, osy jyl - Jastar jyly bolyp bekitilgen edi. Osyǵan baılanysty «Daryn» syılyǵynyń úmitkerlerine tosynsyı daıyndap qoıdyq. Ol jaıly biz keıin habarlaıtyn bolamyz», - deıdi Dáýren Abaev Habar arnasyndaǵy «Ashyq dıalog» baǵdarlamasynda.

Mınıstr óz sózinde «Daryn» syılyǵyna úmitkerlerdi qabyldaý 10 tamyzǵa deıin sozylatynyn eske saldy.

Eske sala ketsek, «Daryn» memlekettik jastar syılyǵyna baıqaý jarııalanǵanyn habarlaǵan edik. Baıqaý - ádebıet, ǵylym, dızaın jáne beıneleý óneri, jýrnalıstıka, klassıkalyq mýzyka, qoǵamdyq qyzmet, sport, teatr jáne kıno, estrada, halyq shyǵarmashylyǵy nomınatsııalary boıynsha ótedi.