«Daryn» syılyǵyn alýǵa 237 ótinim tústi

NUR-SULTAN. QazAqparat - 10 tamyzda «Daryn» syılyǵyna izdenýshilerdiń qujattaryn qabyldaý aıaqtaldy. Konkýrsqa 237 ótinim qabyldandy (2020 jyly – 160 ótinim), dep habarlaıdy QazAqparat.

Nomınatsııalar boıynsha ótinimder sany kelesideı: «Ǵylym» - 55, «Estrada» - 9, «Klassıkalyq mýzyka» - 18, «Halyq shyǵarmashylyǵy» - 21, «Dızaın jáne beıneleý óneri» - 7, «Teatr jáne kıno» - 47, «Sport» - 22, «Ádebıet» - 18, «Jýrnalıstıka» - 7, «Qoǵamdyq qyzmet» - 33.

«Daryn» memlekettik jastar syılyǵy jemisti ǵylymı, shyǵarmashylyq, qoǵamdyq qyzmeti, sondaı-aq joǵary sporttyq jetistikteri úshin talantty jastardy qoldaý maqsatynda jyl saıyn beriledi. Syılyqqa ıe bolǵan adamdarǵa «Daryn» memlekettik jastar syılyǵynyń laýreaty» ataǵy beriledi, dıplom, tósbelgi jáne aqshalaı syıaqy tapsyrylady.

Laýreattardy marapattaý rásimi Qazaqstan Respýblıkasynyń Táýelsizdik kúnine josparlanyp otyr.

Aıta ketsek, 2021 jylǵy 20 mamyrda Qazaqstan Respýblıkasy Aqparat jáne qoǵamdyq damý mınıstrligi «Daryn» memlekettik jastar syılyǵyn alýǵa konkýrs jarııalady. Qujattar 10 tamyzǵa deıin qabyldandy.