«Daryn» RǴPO tamyz pedagogıkalyq keńesin online rejimde ótkizýde
NUR-SULTAN. QazAqparat – «Daryn» respýblıkalyq ǵylymı-praktıkalyq ortalyǵy tamyz pedagogıkalyq keńesin alǵash ret online rejimde ótkizýde, dep habarlaıdy QazAqparat.
«Bilim berý mazmunyn jańartý jaǵdaıynda pedagogtyń úzdiksiz kásibı damýy» taqyrybyndaǵy keńestiń maqsaty - bilim mazmunyn jańartý jaǵdaıynda mamandandyrylǵan mektepterde sapaly bilim berýdi qamtamasyz etý.
Elordada ótip jatqan pedagogıkalyq alańnyń online jumysyna mamandandyrylǵan bilim berý uıymdarynyń mektep dırektorlary jáne orynbasarlary, pán muǵalimderi, óńirlerdiń Bilim basqarmalarynyń, «Daryn» aımaqtyq ǵylymı-praktıkalyq ortalyqtarynyń ókilderi qatysýda.
«Qazirgi zaman qoǵamynda bolyp jatqan áleýmettik protsester balanyń jeke tulǵasyna jáne ishki dúnıesine baǵyttalǵan jańa bilim berý maqsattaryn ázirleý úshin damytýdyń alǵysharttaryn jasaıdy. Álem bizdiń kóz aldymyzda qarqyndy ózgerip otyrady. Bilim berýdi ǵana emes, ekonomıka men qoǵamnyń ornyqty damý jolynda adamzat úshin eleýli jahandyq problemalardy belgileıdi. Eınshteın aıtpaqshy, týǵyzǵan oılaý modelin ózgertpeı, eski máselelerdi sheshý múmkin emes. Bul jaǵdaıda bolashaq bilimniń ınnovatsııalarynda ekendigin aıqyn kóremiz. Zamanaýı álemde «jetildirýdi damytý» - suranysqa ıe emes», - dedi «Daryn» ortalyǵynan.
