«Daryn» memlekettik jastar syılyǵynyń 2012 jylǵy ıegerleri belgili boldy
ASTANA. 28 jeltoqsan. QazAqparat - Búgin Astanada QR Úkimetiniń «Daryn» memlekettik jastar syılyǵynyń laýreattaryn saltanatty marapattaý rásimi ótti.
«Osy syılyqqa úmitker 500-den astam adam ózderiniń jumystaryn tapsyrdy. Sonyń ishinde 16-sy osy syılyqtyń ıegeri atandy. Qazaqstan álem moıyndaǵan el boldy. Endi damyǵan 30 eldiń qataryna qosylýymyz kerek. Sol maqsat-mindetterdi oryndaý jastardyń qoldarynda»,-dedi QR Bilim jáne ǵylym mınıstri Baqytjan Jumaǵulov.
Sonymen, 2012 jylǵy «Daryn» memlekettik syılyǵynyń «Sport» atalymynda Olımpıada chempıony Serik Sápıev, «Estrada» atalymynda «Qazaqstan ulttyq óner ýnıversıteti» memlekettik mekemesiniń stýdenti Nurbol Balapanov, «Klassıkalyq mýzyka» atalymynda Abaı atyndaǵy Qazaq memlekettik akademııalyq opera jáne balet teatrynyń solısti Jupar Ǵabdıllına, «Halyq shyǵarmashylyǵy» atalymynda halyqaralyq jáne respýblıkalyq aıtyskerler baıqaýynyń jeńimpazy Sara Toqtamysova, «Teatr jáne kıno» atalymynda Qazaq ulttyq óner ýnıversıtetiniń oqytýshysy Adaı Ábeldınov pen Ǵ. Músirepov atyndaǵy Qazaq memlekettik akademııalyq balalar men jasóspirimder teatrynyń ártisi Muhıtdın Shyntaev, «Jýrnalıstıka» atalymy boıynsha «Astana aqshamy» gazetiniń tilshisi Názıra Baıyrbek jáne «Qazaqstan» respýblıkalyq teleradıokorporatsııasy» AQ-nyń jańalyqtar bóliminiń bas redaktor-júrgizýshisi Gúlnáz Álimgereıqyzy ıeger atandy.
Sonymen qatar, atalǵan memlekettik syılyqpen «Ádebıet» atalymynda Shyǵys Qazaqstan óner murajaıynyń mamany Azamat Tasqarauly men L.N. Gýmılev atyndaǵy EUÝ aǵa oqytýshysy Qalqaman Sarın, «Dızaın jáne beıneleý óneri» atalymynda Qazaq ulttyq óner ýnıversıtetiniń oqytýshysy Beıbit Ásemqul men T. Júrgenov atyndaǵy Qazaq ulttyq óner akademııasynyń dotsenti Arnur Qarymsaqov, «Ǵylym» atalymy boıynsha S. Toraıǵyrov atyndaǵy Pavlodar memlekettik ýnıversıtetiniń dotsenti Aınagúl Qalıeva jáne ǵalym, saıası ǵylymdardyń kandıdaty Oljas Qaptaǵaev, sondaı-aq «Qoǵamdyq qyzmet» atylymynda «Halyqaralyq baǵdarlamalar ortalyǵy» AQ vıtse-prezıdenti Áset Ábdýálıev pen Ulttyq volonterlik jeliniń qamqorlyq keńesiniń múshesi Alına Hamatdınova marapattaldy.
Aıta keteıik, «Daryn» memlekettik jastar syılyǵy Qazaqstannyń 35 jasqa deıingi azamattaryna qoǵamdyq, kásibı jaǵynan tanylǵan jemisti ǵylymı, shyǵarmashylyq jáne qoǵamdyq qyzmeti úshin beriledi.
