Darıa Chesnokova 50 metrge júzýden úzdik 8 sportshynyń qataryna kire almady
ASTANA. KAZINFORM — Dakarda (Senegal) ótip jatqan IV jazǵy jasóspirimder Olımpıadasynda júzýden jarystary jalǵasyp jatyr, dep habarlaıdy UOK baspasóz qyzmeti.
Búgin, 4 qarashada, Qazaqstan atynan Darıa Chesnokova synǵa tústi.
Qazaqstandyq sportshy 50 metrge erkin stılde júzýden irikteý kezeńine qatysty. Ol óz tobynda márege úshinshi bolyp jetip, qashyqtyqty 27,88 sekýndta baǵyndyrdy.
Jalpy esepte Darıa Chesnokova 24-orynǵa turaqtady. Osylaısha ol fınalǵa joldama alǵan úzdik segiz sportshynyń qataryna kire almady.
Іrikteý kezeńinde eń úzdik nátıjeni Jańa Zelandııa ókili Alısa Loýson kórsetti. Ol 50 metrdi 25,92 sekýndta júzip ótti.
Buǵan deıin Anatolıı Rýdenko júzýden jasóspirimder Olımpıadasynyń fınalyna shyqqanyn jazǵanbyz.
