Dármen Sádýaqasov QR Memlekettik qyzmet isteri agenttigi ákimshilik jumystar bóliminiń meńgerýshisi bolyp taǵaıyndaldy

ASTANA. 6 mamyr. QazAqparat - Qazaqstandyq shahmatshy Dármen Sádýaqasov QR Memlekettik qyzmet isteri agenttiginiń ákimshilik jumystar jáne syrtqy baılanystar bóliminiń meńgerýshisi bolyp taǵaıyndaldy.

Bul týraly vedomstvonyń baspasóz qyzmetinen habarlady.

Kadrlyq taǵaıyndaý týraly Agenttik tóraǵasy Álıhan Báımenovtiń buıryǵy 2013 jyldyń 2 mamyrynda shyqty.

Dármen Sádýaqasov 1998 jyly jasóspirimder arasynda álem chempıony atanyp, «Halyqaralyq grossmeıster» ataǵyna ıe boldy. Sol jyly bul jeńisi úshin QR Prezıdenti ony «Qurmet» ordenimen marapattady. Al 2001 jyly D. Sádýaqasov alǵash ret shahmattan erler arasynda Qazaqstan chempıony boldy. Odan keıin de osy ataǵyn eki jyl boıy saqtap qaldy. Al 2004 jyly Kopengagende bolǵan halyqaralyq týrnırde 1-oryndy enshiledi.

D. Sádýaqasov buǵan deıin QR Prezıdenti Ákimshiliginde qyzmet atqardy.