Darmen qosymshasy tótenshe jaǵdaıdy 5 sekýnd ishinde habarlaıdy
«Tsıfrlandyrý tolqynan qalmaý úshin biz Darmen mobıldi qosymshasyn ázirledik. Ol halyqqa tótenshe jaǵdaı qaýpi týraly 5 sekýnd ishinde habar beredi. Mysaly, magnıtýdasy 4 ball jáne odan joǵary jer silkinisi kezinde seısmodatchıkter iske qosylyp, qosymsha azamattardyń smartfondaryna avtomatty túrde habarlama jiberedi», - deıdi vedomstvo basshysy.
Onyń aıtýynsha, Darmen qosymshasy aýa raıy qubylmaly kezeńde jol júrýshilerge taptyrmaıtyn kómekshi bola alady.
«Qosymsha joldardyń jabylýy, bilim oshaqtarynda sabaqtardyń toqtatylýy týraly aqparatty ǵana emes, sonymen qatar avtobýs, ushaqtar men poıyzdardyń jol júrý kestesin usynady. Qazir mobıldik qosymshany paıdalanýshylardyń jalpy sany eki júz myńnan astam adamdy quraıdy, tek 2020 jyly 90 myńnan astam adam tirkelgen. Osyǵan baılanysty barlyq qazaqstandyqtardy Darmen qosymshasyn tegin júktep, belsendi paıdalanýǵa shaqyramyn», - dedi ıÝrıı Ilın.
